Fakaaliga 7:14 - Tokelauan New Testament

¹⁴ Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.

Fakaaliga 7:14 ပူးပေါင်းရင်းမြစ်များ

Mataio 24:21

Auā ko nā puapuagā ka pa ki ei i te taimi tēnā, ka hili lele atu te kino i lo ni iētahi puapuagā na kua pa ki ei ia tagata, mai te kāmataga o te lalolagi, ke pa mai lava ki te taimi nei. Ka hē toe mafai lele foki ke toe tupu he mea vēnei.

Maleko 13:19

Auā ko nā puapuagā ka pa ki ei i nā aho iēnā, ka hili lele atu te kino i lo ni iētahi puapuagā na kua pa ki ei ia tagata, mai te taimi na fai ai e te Atua te lalolagi i te kāmataga, ke pa mai lava ki te taimi nei. Ka hē toe mafai lele foki ke toe tupu he mea vēnei.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

2 Tehalonia 1:4

Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.

Epelu 13:12

Ko Iehu foki na oti i fafo o te kakai, kae ke fakamamā ai ia agahala a tagata i tona toto.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 15:2

Oi kō kitea atu ai he mea e vē he tai tioata e i loto ai ma he afi. Na kō kitea atu foki nā tino na ki lātou fakatōkilalogia te manu fekai ma tona fakatuha, tē e hui tona igoa i he nūmela. E tutū i tafa o te tai tioata ma tāofi a lātou kītala na fōki ki ei e te Atua,

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.

Fakaaliga 7:9

Kua uma atu te mea tēnei, oi kō kitea atu ai he kaifenua e tokalahi — e hē mafai ke faitau e he tino te tokalahi! Na ōmamai mai lanu uma, nuku uma, mālō uma ma gagana uma, ma e tutū i mua o te nofoāliki ma te Punuamāmoe. E kokofu papae ma tāofi nā laupama i o lātou lima.