Fakaaliga 7:10 - Tokelauan New Testament

¹⁰ Kua tau kālalaga leo lahi vē ki lātou, “Ko te fakaolataga e mai te Atua tē e nofo i te nofoāliki, ma te Punuamāmoe!”

Fakaaliga 7:10 ပူးပေါင်းရင်းမြစ်များ

Luka 3:6

ma ka kitea e tagata uma lele te fakaolataga a te Atua!’ ”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 1:36

ma i te ia kitea atuga o Iehu e havali ake, oi lea ai vē, “Kikila, tēia te Punuamāmoe a te Atua!”

Ioane 4:22

Ko koutou tagata Hāmālia, e hē koutou iloa pe ko ai te tāpuaki koutou ki ei; ka ko ki mātou tagata Iutaia, e ki mātou iloa te tino e tāpuaki ki mātou ki ei, auā ko te fakaolataga e auala mai i tagata Iutaia.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Fakaaliga 12:10

Oi kō lagona ai he leo lahi i te lagi e lea vē, “Kua fakaalia te fakaolataga a te Atua i e taimi nei. Kua fakaalia e te Atua tona mālohi ko ia ko te Tupu i te taimi nei. Kua fakaalia te pule a tona Mehia i te taimi nei! Auā ko tē nae tū i mua o te Atua ma mōlia o mātou uho Kelihiano i te ao ma te pō, kua togi ki lalo mai te lagi.

Fakaaliga 19:1

Kua uma atu te mea tēnei, oi lagona ai e au he mea e vē he leo lahi lele o he kaifenua tokalahi i te lagi, e tau kālalaga vē, “Ke vīkia te Atua! Ko te Atua ko te Fakaola! E o ia te mana ma te mālohi!

Fakaaliga 21:5

Ma na lea vē ai te tino e tiketike i te nofoāliki, “Kikila, kua toe fakafou e au ia mea uma!” Ma na leamai foki ki a te au, “Tuhi te mea tēnei ki lalo, auā ko nā kupu iēnei e moni ma e fakamāoni.”

Fakaaliga 22:3

Ka hē toe i ei lele he mea na fetū e te Atua e maua i loto o te kakai. Kae ka i loto ai te nofoāliki o te Atua ma te Punuamāmoe, ma ka ifo atu ki a te ia ana kaukauna.

Fakaaliga 4:6

I mua foki o te nofoāliki, e i ei ai he mea e fōliga ko he tai tioata, e mamā ma pāgilagila. E hiko fakatāmilo te nofoāliki i ona itū takitahi e ni meaola e fa e tumu o lātou tino i nā pukāmata, i mua ma tua.

Fakaaliga 5:7

Oi fano ai te Punuamāmoe oi kave kehe te tuhitākai mai te lima taumatau o te tino e nofo i te nofoāliki.