Fakaaliga 6:2 - Tokelauan New Testament

² Kua kikila atu au oi kitea ai e au he holofanua paepae. Ko te tino e tiketike ai e tāofi i tona lima he kaufana āū. Kua tuku atu ki a te ia he pale aliki, oi fano ai ke fakatōkilalo nā fili o ia.

Fakaaliga 6:2 ပူးပေါင်းရင်းမြစ်များ

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

1 Kolinito 15:25

Auā ko Keliho e tatau ke pule pea ke pa ki te taimi e fakatōkilalo ai e te Atua ona fili uma, ma tuku atu ai ki lātou ki lalo o ona vae.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 11:18

Kua fakatumulia ia tagata fakapaupau i te ita lahi auā kua pa ki te taimi e pa mai ai tō tōkahā, te taimi e fakamahino ai nā tino oti. Kua pa ki te taimi e tuku atu ai te taui mo au kaukauna, nā pelofeta ma nā tino uma o koe, ki lātou e mātataku ia te koe, nā tino e maualuluga nā tūlaga vēnā ma ki lātou e fakatauva. Kua pa ki te taimi e fakaumatia ai nā tino e ki lātou fakaumatiagia te lalolagi!”

Fakaaliga 14:14

Oi kikila atu ai au ma kō kitea atu he ao paepae, ma e nofo i luga o te ao paepae he tino ola e i ei he pale aliki aulo i tona ulu, ma he naifi helehele kakaha i tona lima.

Fakaaliga 15:2

Oi kō kitea atu ai he mea e vē he tai tioata e i loto ai ma he afi. Na kō kitea atu foki nā tino na ki lātou fakatōkilalogia te manu fekai ma tona fakatuha, tē e hui tona igoa i he nūmela. E tutū i tafa o te tai tioata ma tāofi a lātou kītala na fōki ki ei e te Atua,

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Fakaaliga 19:14

Kua mulimuli ki a te ia nā vaegākau i te lagi, e tiketike i nā holofanua papae, ma kokofu i nā kofu e gaohia i te kie vavae paepae mamā.

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 9:7

Ko nā hē akelihe e vē ni holofanua kua hāuni mo he taua; i o lātou ulu e i ei ai nā mea e fōliga ni pale aulo, ma ko o lātou fōliga e vē ni fōliga tagata.