Fakaaliga 5:9 - Tokelauan New Testament

⁹ Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.

Fakaaliga 5:9 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

1 Kolinito 6:20

na ia fakataua koutou i he tau. Ko te mea ia, fakaaogā outou tino ke maua ai he vīkiga mo te Atua.

1 Kolinito 7:23

Ko koutou na fakatau e te Atua i he tau; nahe kavea la koutou ma pologa a tagata.

Efeho 1:7

Ona ko te mate o Keliho, kua maua ai e ki tātou te haolotoga — ko a tātou agahala kua fakamāgalo. E aloā e tūkehe te alofa tūnoa o te Atua,

Efeho 5:19

Tautala tētahi ki tētahi i nā kupu o te Halamo, i nā pehe lotu ma i nā pehe fakateagaga; pepehe atu i nā vīkiga ki te Aliki ma outou loto kātoatoa.

Kolohe 1:14

tē kua maua ai e ki tātou te haolotoga, ko tona uiga, ko a tātou agahala kua fakamāgalo.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 11:14

Kāfai nā tino e tautatala vēnei, e manino lele e hakilikili ki he nuku ke takua e o ki lātou.

2 Petelu 2:1

Nae i ei foki nā pelofeta pepelo fakatahi ma tagata o te Atua i nā aho kua teka, ma ka vēnā foki ona i ei nā faiakoga pepelo fakatahi ma koutou. Ka ki lātou kaumaia ni fakamatalaga tau fakakino ma te pepelo, ma hē ki lātou taliagia te Matai na ia totōgia to lātou haolotoga, ma ka fakaumatia vave ai lava ki lātou.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

Fakaaliga 10:11

Oi lea vē mai ai ki a te au, “E tatau ke toe tālaki e koe te fekau a te Atua e uiga ki tagata, mālō, lanu, gagana ma tupu e tokalahi.”

Fakaaliga 11:9

Ko nā tino mai mālō uma, nuku uma, gagana uma ma lanu uma, ka kikila pea lava ki o lā tino oti mo ni aho e tolu ma te āfa, ma ka hē ki lātou fakatagagia ke tanu.

Fakaaliga 13:7

Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 14:6

Oi kō kitea atu ai hētahi agelu e lele maualuga ake i te vānimonimo ma he fekau e uiga ki he Tala Lelei e tūmau pea ke pa ki te fakavavau, ke folafola ki tagata uma o te lalolagi, ki lanu uma, ki nuku uma, ki gagana uma ma mālō uma.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Fakaaliga 17:15

Na lea vēnei mai foki te agelu ki a te au, “Ko nā vai na kitea e koe e nofo i luga te fafine talitāne, ko nā tino iēnā o mālō, nuku, lanu ma gagana.

Fakaaliga 4:11

“To mātou Aliki ma to mātou Atua! E tatau ma onomea ke maua e koe nā vīkiga, te fakaaloalo ma te mana. Auā ko nā mea uma lele na fai e koe, ma ko koe lava na loto ke i ei ni mea vēnei, ma na kē gaohia ai loa.”

Fakaaliga 5:12

ma e pepehe leo lahi: “Ko te Punuamāmoe na tāmate kua ia te ia te pule ke tuku atu ki ei te mana, te tamaokāiga, te poto ma te mālohi te fakaaloalo, te vīkiga ma te fakafetai.”

Fakaaliga 5:6

Oi kitea atu ai e au he Punuamāmoe e tū i te va o te nofoāliki ma nā meaola ma nā toeaina. Ko te Punuamāmoe e fōliga kua tāmate, ma e fitu ona nifohua i tona ulu ma fitu ona mata, ko nā agaga iēnā e fitu a te Atua kua uga atu ki te lalolagi kātoa.