Fakaaliga 4:8 - Tokelauan New Testament

⁸ Ko nā meaola takitahi e taki ono o lātou kapahau, ma e tumu o lātou tino i nā pukāmata e fakatāmilo ke pa ki lalo o nā kapahau. I te pō ma te ao, e hē uma lele a lātou pēhega: “E paia, e paia, e paia, te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.”

Fakaaliga 4:8 ပူးပေါင်းရင်းမြစ်များ

Gāluega 20:31

Koutou la ke mataala, ma ke manatua te lahi o nā loimata na maligi i te pō ma te ao, i te tolu tauhaga nae kō akoakoa ai koutou uma tau tokatahi.

2 Kolinito 6:18

Ka fai au ma outou tamana, ma ko koutou ni ataliki ma ni afafine e ōku, kua vāgana ai te Aliki Hilihilikehe.”

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Epelu 13:8

Ko Iehu Keliho e tutuha lava i te aho ananafi, te aho nei, ma ke pa lava ki te fakavavau.

Fakaaliga 1:4

Mai ia Ioane, ki nā Ekalehia e fitu i Ahia. Ke ia te koutou te alofa tūnoa ma te fīlēmū mai te Atua, tē e ola nei, nae ola pea lava, ma ka haele mai, vēnā foki mai nā agaga e fitu kua i mua o tona nofoāliki;

Fakaaliga 1:8

“Ko au ko te Alefa ma te Ōmeka,” kua vāgana ai te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.

Fakaaliga 11:17

ma lea vē, “Te Aliki te Atua Hilihilikehe te Mālohi, tē e ola nei ma nae ola pea lava! Ko ki mātou e fakafetai atu auā kua kē fakaalia tō mālohi lahi ma ko tau pule kua kāmata!

Fakaaliga 14:11

Ko te ahu o te afi e fakatīgāina ai ki lātou, e mumū pea lava ke pa ki te fakavavau. E hē maua he mapu i te ao ma te pō, e ki lātou e ifo ki te manu fekai ma te fakatuha o ia, ma kua ia te ki lātou te fakailoga o tona igoa.”

Fakaaliga 14:3

Ko nā tino e toka 144,000 e tutū i mua o te nofoāliki ma nā meaola e fa ma nā toeaina, ma pepehe i he pehe fou e nā ko ki lātou lava oioti te iloa. Mai tagata uma o te lalolagi kātoa, nā ko ki lātou lava oioti nā tino na fakahao e te Atua.

Fakaaliga 15:3

ma pepehe i te pehe a Mohe, te kaukauna a te Atua, ma te pehe a te Punuamāmoe: “Te Aliki te Atua Hilihilikehe te Mālohi, kai te uiga kehe ma te gali o au gāluega! Te Tupu o mālō, kai te hako ma te tonu o nā mea e kē faia!

Fakaaliga 15:7

Oi fōki ai e hētahi o nā meaola e fa ki nā agelu e fitu, ni tānoa aulo e fitu e tumu i te tōkahā o te Atua, tē e ola pea lava ke pa ki te fakavavau.

Fakaaliga 16:14

Ko nā agaga iēnei o nā tēmoni e ki lātou faia nā vāvega. E olo ki tupu o mālō uma o te lalolagi, ke fakamāopoopo mai mo te taua i te Aho tāua lahi o te Atua Hilihilikehe te Mālohi.

Fakaaliga 16:7

Oi lagona ai e au he leo mai te fata faitāulaga e lea vē, “Io, te Aliki te Atua Hilihilikehe te Mālohi, te moni ma te tonu ko o au fakamahinoga!”

Fakaaliga 19:15

E hau i loto o tona gutu he pelu kakaha, ka fakatōkilalo ai e ia nā mālō. Ka pūlea e ia ki lātou ma te fakahāuā, ma ka holi e ia i ona vae nā fuāvine i loto o te tanoa tatau vine o te tōkahā o te Atua Hilihilikehe te Mālohi.

Fakaaliga 19:4

Oi fakapakukū ai ki lalo nā toeaina e toka luahefulufa ma nā meaola e fa, kua ifo ki te Atua e nofo i tona nofoāliki. Kua lea vē atu, “Amene! Ke vīkia te Atua!”

Fakaaliga 21:22

E hēki kitea e au he mālumalu i te kakai, auā ko tona mālumalu ko te Aliki te Atua Hilihilikehe te Mālohi, ma te Punuamāmoe.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 4:6

I mua foki o te nofoāliki, e i ei ai he mea e fōliga ko he tai tioata, e mamā ma pāgilagila. E hiko fakatāmilo te nofoāliki i ona itū takitahi e ni meaola e fa e tumu o lātou tino i nā pukāmata, i mua ma tua.

Fakaaliga 4:9

Ko nā meaola e uhu a lātou pepe e viviki ma kavatu ai te fakaaloalo ma te fakafetai ki te tino e nofo i te nofoāliki, tē e ola pea lava ke pa ki te fakavavau. Ko taimi uma lava e ki lātou faia ai te mea tēnei,

Fakaaliga 5:6

Oi kitea atu ai e au he Punuamāmoe e tū i te va o te nofoāliki ma nā meaola ma nā toeaina. Ko te Punuamāmoe e fōliga kua tāmate, ma e fitu ona nifohua i tona ulu ma fitu ona mata, ko nā agaga iēnā e fitu a te Atua kua uga atu ki te lalolagi kātoa.

Fakaaliga 6:1

Oi kō kitea atu ai te Punuamāmoe e tatala e ia te fakamaufakailoga muamua o nā fakamaufakailoga e fitu, ma na kō lagona tētahi o nā meaola e fa e lea vē i he leo lahi e vē ko te gugulu a he tāgulu, “Hau!”

Fakaaliga 6:6

ma na lagona e au he mea e vē he leo, e hau i te mea e i ei ai nā meaola e fa, e lea vē, “Ko te tēnali e fokotahi e maua ai ni pauna falaoa e lua e fai i te haito, pe ni pauna falaoa e ono e fai i te kālite. Kae nahe fakakinoagia nā togāolive ma nā tōvine!”

Fakaaliga 7:11

Ko te kau agelu uma, nā toeaina ma nā meaola e fa, kua tutū fakatāmilo i te nofoāliki. Oi fakapakukū fakapūlou ai ki lalo i mua o te nofoāliki ma ifo atu ki te Atua,

Fakaaliga 7:15

Ko te mea ia e tutū ai ki lātou i mua o te nofoāliki o te Atua ma tautua ki a te ia i te ao ma te pō, i tona mālumalu. Ko tē e nofo i te nofoāliki, ka ia puipuia ki lātou i tona ei ma ki lātou.