Fakaaliga 4:7 - Tokelauan New Testament

⁷ Ko te meaola muamua e vē he leona; ko tona lua, e vē he povi poa; ko tona tolu, e vē ona fōliga ni fōliga e o he tino; ko tona fa, e vē ko he āeto e lele.

Fakaaliga 4:7 ပူးပေါင်းရင်းမြစ်များ

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

Fakaaliga 4:6

I mua foki o te nofoāliki, e i ei ai he mea e fōliga ko he tai tioata, e mamā ma pāgilagila. E hiko fakatāmilo te nofoāliki i ona itū takitahi e ni meaola e fa e tumu o lātou tino i nā pukāmata, i mua ma tua.

Fakaaliga 6:3

I te tatalaga e te Punuamāmoe te fakamaufakailoga tona lua, na lagona atu e au te lua o meaola e lea vē, “Hau!”

Fakaaliga 6:5

Oi tatala ai e te Punuamāmoe te fakamaufakailoga tona tolu; ma na lagona e au te tolu o meaola e lea vē, “Hau!” Kua kikila au, ma kō kitea atu he holofanua uliuli. Ko te tino e tiketike ai, e tāofi i tona lima he fua fakapāleni,

Fakaaliga 6:7

Oi tatala ai e te Punuamāmoe te fakamaufakailoga tona fa; ma na lagona e au te fa o meaola e lea vē, “Hau!”