Fakaaliga 4:5 - Tokelauan New Testament

⁵ E kānapanapa nā uila mai te nofoāliki, ma gugulu ma gāpāpā nā tāgulu. I mua o te nofoāliki, e fitu ia lama e mumū ai, ko nā agaga iēnā e fitu a te Atua

Fakaaliga 4:5 ပူးပေါင်းရင်းမြစ်များ

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Gāluega 2:3

Ma ki lātou kitea ai nā mea e vēia ni laulaufaiva afi kua i luga o ki lātou tau tokatahi uma nae i kinā.

Fakaaliga 1:4

Mai ia Ioane, ki nā Ekalehia e fitu i Ahia. Ke ia te koutou te alofa tūnoa ma te fīlēmū mai te Atua, tē e ola nei, nae ola pea lava, ma ka haele mai, vēnā foki mai nā agaga e fitu kua i mua o tona nofoāliki;

Fakaaliga 10:3

ma kalaga i he leo lahi e vē ko te leo o he leona kāfai e tagi. Ma i te kalagaga, na gāpāpā ai nā tāgulu e fitu.

Fakaaliga 11:19

Oi tatala ai te mālumalu o te Atua i te lagi, ma na kitea ai i kinā te Puha o te Feagaiga. Oi kānapanapa ai nā uila, gāpāpā nā tāgulu, ma lūlū he mafuie, ma to nā ua aiha mamafa.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 5:6

Oi kitea atu ai e au he Punuamāmoe e tū i te va o te nofoāliki ma nā meaola ma nā toeaina. Ko te Punuamāmoe e fōliga kua tāmate, ma e fitu ona nifohua i tona ulu ma fitu ona mata, ko nā agaga iēnā e fitu a te Atua kua uga atu ki te lalolagi kātoa.

Fakaaliga 8:5

Oi tago ai te agelu ki te ipu fakamū meamanogi oi fakatumu i nā malala ola mai te afi i te fata faitāulaga, ma togi ifo ki te lalolagi. Kua gāpāpā ia faititili ma tāgulu, kānapanapa ia uila ma lūlū he mafuie.