Fakaaliga 4:11 - Tokelauan New Testament

¹¹ “To mātou Aliki ma to mātou Atua! E tatau ma onomea ke maua e koe nā vīkiga, te fakaaloalo ma te mana. Auā ko nā mea uma lele na fai e koe, ma ko koe lava na loto ke i ei ni mea vēnei, ma na kē gaohia ai loa.”

Fakaaliga 4:11 ပူးပေါင်းရင်းမြစ်များ

Gāluega 14:15

“He ā te fai ai e koutou he mea vēnei? Ko ki māua ni tagata ola e vē foki lava ko koutou! Ko ki māua e i kinei ke folafola atu te Tala Lelei ki a te koutou, kae ke mafai koutou ke olo kehe mai nā mea iēnā e hēai he aogā, kae liliu ki te Atua na faia te lagi, te lalolagi, te tai, ma nā mea uma lele i ei, ma e ola pea lava.

Gāluega 17:24

Ko te Atua, tē na faia te lalolagi ma nā mea uma e i ei, ko te Aliki ia o te lagi ma te lalolagi, ma e hē nofo i ni mālumalu e fau i nā lima o tagata.

Loma 11:36

Auā ko nā mea uma lele na ia faia, e ala ia te ia, ma e mo ia. Ke vīkia pea lava te Atua ke pa ki te hēgata! Amene.

Efeho 3:9

ma ke fakakikila ia tagata uma ki te fuafuaga lilo a te Atua ma tona fakatinoga. Nae mumuni e te Atua, tē na gaohia ia mea uma, tana fuafuaga lilo mai te kāloā,

Epelu 1:10

Na lea foki vē, “Ko koe te Aliki, na kē gaohia te lalolagi i te kāmataga, ma fai i ō lava lima te lagi.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

Fakaaliga 1:6

ma na ia faia ki tātou ma ohitāulaga i tona mālō ke tautua ki tona Atua ma tona Tamana. Ke ia Iehu Keliho te vīkiga ma te mana ke pa ki te fakavavau lava! Amene.

Fakaaliga 10:6

ma fai tana tautōga i te igoa o te Atua, tē e ola pea lava ke pa ki te hēgata, ma na ia gaohia te lagi, te lalolagi, ma te tai, ma nā mea uma lele i loto. Kua lea vē te agelu, “Ko te Atua ka hē toe fakatali lele!

Fakaaliga 14:7

Kua lea vē atu i he leo lahi, “Koutou ke mātataku i te Atua ma viviki atu ki a te ia, auā kua pa ki te taimi e fakamahino ai e ia ia tagata uma. Ifo atu ki tē na faia te lagi, te lalolagi, te tai, ma nā vaipuna.”

Fakaaliga 19:1

Kua uma atu te mea tēnei, oi lagona ai e au he mea e vē he leo lahi lele o he kaifenua tokalahi i te lagi, e tau kālalaga vē, “Ke vīkia te Atua! Ko te Atua ko te Fakaola! E o ia te mana ma te mālohi!

Fakaaliga 5:12

ma e pepehe leo lahi: “Ko te Punuamāmoe na tāmate kua ia te ia te pule ke tuku atu ki ei te mana, te tamaokāiga, te poto ma te mālohi te fakaaloalo, te vīkiga ma te fakafetai.”

Fakaaliga 5:2

Ma na kō kitea atu he agelu e maualuga tona tūlaga pule, e fehili leo lahi vē, “Ko ai te tino e ia te ia te pule ke kave kehe ai nā fakamaufakailoga e fitu ma tatala ai te tuhitākai?”

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.