Fakaaliga 4:10 - Tokelauan New Testament

¹⁰ ko nā toeaina e toka luahefulufa e fakapakukū ki mua o tē e nofo i te nofoāliki, ma ifo atu ki tē e ola pea lava ke pa ki te fakavavau. E tuku o lātou pale ki lalo i mua o te nofoāliki ma lea vē,

Fakaaliga 4:10 ပူးပေါင်းရင်းမြစ်များ

Mataio 2:11

Kua ulu atu ki lātou ki loto o te fale, oi kitea ai e ki lātou te tamaiti ma tona mātua ko Malia. Na tōtutuli ai loa ki lātou ki lalo kua ifo ki ei. Kua tōake foki ki luga a lātou meaalofa ko te aulo, ko te pulu lipano ma te pulu mulo, kua tuku atu ki a te ia.

Luka 24:52

Kua vīkia e ki lātou ia Iehu, oi toe foki ai ki Ieluhalema, kua fakatumulia i te fiafia lahi,

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

Fakaaliga 10:6

ma fai tana tautōga i te igoa o te Atua, tē e ola pea lava ke pa ki te hēgata, ma na ia gaohia te lagi, te lalolagi, ma te tai, ma nā mea uma lele i loto. Kua lea vē te agelu, “Ko te Atua ka hē toe fakatali lele!

Fakaaliga 11:16

Oi fakapakukū ai ki lalo nā toeaina e toka luahefulufa e nonofo i o lātou nofoāliki i mua o te Atua, ma ifo atu ki te Atua,

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

Fakaaliga 15:7

Oi fōki ai e hētahi o nā meaola e fa ki nā agelu e fitu, ni tānoa aulo e fitu e tumu i te tōkahā o te Atua, tē e ola pea lava ke pa ki te fakavavau.

Fakaaliga 19:4

Oi fakapakukū ai ki lalo nā toeaina e toka luahefulufa ma nā meaola e fa, kua ifo ki te Atua e nofo i tona nofoāliki. Kua lea vē atu, “Amene! Ke vīkia te Atua!”

Fakaaliga 4:2

Ko te taimi lava tēnā na ulufia ai au e te Agaga o te Atua, ma na kō kitea atu ai he nofoāliki ma he tino e nofo i luga.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 4:9

Ko nā meaola e uhu a lātou pepe e viviki ma kavatu ai te fakaaloalo ma te fakafetai ki te tino e nofo i te nofoāliki, tē e ola pea lava ke pa ki te fakavavau. Ko taimi uma lava e ki lātou faia ai te mea tēnei,

Fakaaliga 5:14

Na tali mai nā meaola e fa, “Amene!” Oi fakapakukū ai nā toeaina ki lalo ma ifo atu ki te Atua ma te Punuamāmoe.

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Fakaaliga 7:11

Ko te kau agelu uma, nā toeaina ma nā meaola e fa, kua tutū fakatāmilo i te nofoāliki. Oi fakapakukū fakapūlou ai ki lalo i mua o te nofoāliki ma ifo atu ki te Atua,