Fakaaliga 3:8 - Tokelauan New Testament

⁸ E iloa e au autou gāluega e fai. Kikila, kua kō tatalagia he faitotoka mo koutou, ma e hēai he tino e ia mafaia oi tapunia. E iloa e au ko koutou ko he Ekalehia e hē tokalahi, kae ko koutou e mulimuli pea lava ki taku kupu ma e hēki teteke lele koutou ki toku igoa.

Fakaaliga 3:8 ပူးပေါင်းရင်းမြစ်များ

Luka 12:9

Kae ko nā tino e ki lātou tetekea au i mua o tagata, ka vēnā foki oi tetekea ki lātou e te Ataliki o te Tagata, i mua o nā agelu a te Atua.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

1 Kolinito 16:9

E i ei te avanoa tāua i kinei ke fai ai ni aku gāluega aogā, e ui lava e tokalahi nā tino e teteke mai ki a te au.

2 Kolinito 2:12

E taunuku atu au ki Tolōata ke tālaki te Tala Lelei e uiga ki a Keliho, kua uma te hāunia e te Aliki te avanoa mo tana gāluega i kinā.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

1 Timoteo 5:8

Kae kāfai he tino e hē ia tauhia lelei ona kāiga, kae maihe lava ona tōtino moni, ko tona uiga kua teteke e ia te talitonuga, ma e hili atu te kino o ia i lo nā tino e hēki talitonu.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.

Fakaaliga 2:2

E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.

Fakaaliga 22:7

Kua vāgana ia Iehu, “Kikila, ko au kua tāli fanatu! Amutia nā tino e uhitaki ki nā kupu o te valoaga i loto o te tuhi tēnei e uiga ki nā mea ka tutupu nei, ma i he taimi i mua!”

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

Fakaaliga 3:15

E iloa e au nā mea a koutou kua fai. I te ōlaga o koutou, ko koutou e hē tutū mālohi i te koutou fakatuatua pe loto fiafia mai foki ki a te au. Kai au te fofou ko te tūlaga e i ei koutou e i he mea o nā mea iēnei e lua!

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.