Fakaaliga 3:4 - Tokelauan New Testament

⁴ Kae e i ei nā tino o koutou i kinā i Hateihi, e hēki fakakelekelea lele o lātou kofu Ka havavali fakatahi ki lātou ma au, e kokofu i nā kofu paepae, auā kua tatau ma onomea tēnei mo ki lātou.

Fakaaliga 3:4 ပူးပေါင်းရင်းမြစ်များ

Mataio 10:11

“Ma ko ho he kakai pe he nuku e tau atu koutou ki ei, olo oi hakili he tino e fiafia ke ia talia koutou, oi nonofo ai ma ia i tona fale ke pa ki te taimi e olo kehe ai koutou ma te koga tēnā.

Maleko 16:5

Oi ulu atu ai ki lātou ki loto o te tugamau ma ki lātou kitea atu he taumalo e nofo mai i te itū taumatau, e kofu i he kofu tatao paepae loloa e pa ki ona tapuvae; oi na mātataku lele ai ki lātou.

Luka 20:35

kae ko nā tamāloa ma nā fafine e tatau ke toe fakatutū mai te oti ma ola i te ōlaga fou, ka hē fakaipoipo ki lātou.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

2 Tehalonia 1:5

Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā.

Iuta 1:23

fakaola iētahi tino i te tahamu kehe mai i loto o te afi o te fakamahinoga; loto alolofa ki iētahi tino ma ko koutou foki ke fakaeteete; kae inoino ki o lātou lākei kua kelekelea i o lātou lava tuinanauga ki te tino.

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 19:14

Kua mulimuli ki a te ia nā vaegākau i te lagi, e tiketike i nā holofanua papae, ma kokofu i nā kofu e gaohia i te kie vavae paepae mamā.

Fakaaliga 19:8

Kua fōki ki te teine fakaipoipo nā kofu vavae gigila ma mamā ke kofu ai.” (Ko te kofu vavae ko nā gāluega lelei a tagata o te Atua.)

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 6:11

Oi tuku atu ai ki a te ki lātou tau tokatahi he kofu tatao paepae ma fakatonu ke mapu tahi mālie, ke pa ki te taimi e kātoatoa ai te fuainumela o nā hoa kaukauna ma nā uho Kelihiano e tatau ke tāmate, e vē foki lava ko ki lātou na tāmate.

Fakaaliga 7:9

Kua uma atu te mea tēnei, oi kō kitea atu ai he kaifenua e tokalahi — e hē mafai ke faitau e he tino te tokalahi! Na ōmamai mai lanu uma, nuku uma, mālō uma ma gagana uma, ma e tutū i mua o te nofoāliki ma te Punuamāmoe. E kokofu papae ma tāofi nā laupama i o lātou lima.