Fakaaliga 3:18 - Tokelauan New Testament

¹⁸ Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.

Fakaaliga 3:18 ပူးပေါင်းရင်းမြစ်များ

Mataio 13:44

“Ko te Mālō o te lagi e fakatuha vēnei. Na maua e he tamāloa he koloa tāua e tanu i he fenua. Kua tumu tona loto i te fiafia oi toe tanu ai e ia ke galo kae fano kua fakatau nā mea uma a ia, oi totogi ai te fenua tēnā mo ia.

Mataio 25:9

‘E hēai he mea vēnā,’ kua tali atu nā tautiti popoto, ‘E hē lava mo ki mātou ma koutou. Olo ki te fale koloa oi fakatau mai ni autou huāū.’

Luka 12:21

Oi toe lea atu ai ia Iehu, “E vēnā lava nā tino e ki lātou fakaputua nā koloa mo ki lātou lava, kae e hē maukoloa i te kikila a te Atua.”

2 Kolinito 5:3

ke vē he kofu e kokofu ai ki mātou, ma ke nahe maua mai ai ki mātou e hē lavalavā.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 1:7

Ko nā mea iēnei e fakamāonia ai pe moni te koutou fakatuatua. E pa foki lava ki te aulo, he mea e mafai ke fakakino, e iloa tonu tona lelei i te tuku ki te afi. E vēnā foki lava te koutou fakatuatua, he mea e hili atu te tāua i lo te aulo, ma e tatau foki ke iloa tona moni, kae ke mafai ai ke tūmau pea lava. Oi ka maua ai e koutou he vīkiga mai te Atua, ma kavea koutou ma tagata lauiloa ma te mamalu, i te Aho e haele mai ai ia Iehu Keliho.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”

Fakaaliga 19:8

Kua fōki ki te teine fakaipoipo nā kofu vavae gigila ma mamā ke kofu ai.” (Ko te kofu vavae ko nā gāluega lelei a tagata o te Atua.)

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!

Fakaaliga 3:17

E lea koutou, ‘Ko au e maukoloa ma tūtūlelei; kua hē toe i ei he mea e fofou au ki ei.’ Kae e hē koutou iloa te kino lele ma te fakaalofa o koutou! Ko koutou e mātitiva, e hē lavalavā ma e tāuaho.

Fakaaliga 4:4

E hiko fakatāmilo te nofoāliki e iētahi nofoāliki e lua hefulufa, ma e nonofo i luga nā toeaina e toka lua hefulufa, e kokofu i nā kofu paepae ma fai o lātou pale aulo.

Fakaaliga 7:13

Kua fehili mai vē tētahi o toeaina ki a te au, “Ko ai nā tino iēnei e kokofu i nā kofu papae, ma ko fea te ōmamai ai?”