Fakaaliga 22:4 - Tokelauan New Testament

⁴ Ka kitea e ki lātou ona fōliga, ma ka tūhia tona igoa i o lātou muāulu.

Fakaaliga 22:4 ပူးပေါင်းရင်းမြစ်များ

Mataio 5:8

Amutia nā tino e loto mamā; auā ka kitea e ki lātou te Atua!

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Fakaaliga 14:1

Oi kikila atu ai au, ma kō kitea atu te Punuamāmoe e tū i luga o te Mauga o Hiona; e i ei fakatahi ma ia nā tino e 144,000 kua tūhia i o lātou muāulu tona igoa ma te igoa o tona Tamana.

Fakaaliga 3:12

Ko ai lava e manumālō, ka kō kavea ki lātou ke fai ma poutū o te mālumalu o toku Atua, ma ka hē toe olo kehe lele mai ai ki lātou. Ka kō tuhiagia ki o lātou luga te igoa o toku Atua ma te igoa o te kakai o toku Atua, te Ieluhalema fou, tēia ka fanaifo ki lalo mai te lagi mai toku Atua. Ka kō tuhiagia foki ki o lātou luga toku igoa fou.

Fakaaliga 7:3

Kua lea vē atu ki ei, “Nahe fakakinoa e nā matagi te laukelekele, te tai, pe ko nā lākau, heiloga kua uma te fakailoga e ki mātou nā kaukauna a te Atua i he fakamaufakailoga, ki o lātou muāulu.”