Fakaaliga 22:2 - Tokelauan New Testament

² ki loto o te kogātotonu o te auala o te kakai. I nā itū takitahi o te vaitafe e i ei ai te lākau o te ola, e hefululua ona itūkāigā fua, ma e fokotahi te itūkāiga e fua i te māhina; ma ko ona lau e fakamālōlō ai ia tagata o te lalolagi mai o lātou tauale.

Fakaaliga 22:2 ပူးပေါင်းရင်းမြစ်များ

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

Fakaaliga 2:7

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō tukua ki ei te avanoa ke kakai ai ki nā fua o te lākau o te ola, e ola i te Fatoaga o te Atua.

Fakaaliga 21:21

Ko nā faitotoka e hefululua ni pēnina e hefululua; ko nā faitotoka takitahi e fai i he pēnina e fokotahi. Ko te auala o te kakai e fola i te aulo mamā ma e pāgilagila e vē he tioata.

Fakaaliga 21:24

Ko tagata o te lalolagi ka havavali i te mālamalama o te mōlī e hau mai te kakai, ma ka kaumai e nā tupu o te lalolagi a lātou koloa tāua ki loto o te kakai.

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.

Fakaaliga 22:19

Ma ko ai lava e ia kave kehea he mea mai nā kupu vavalo o te tuhi tēnei e uiga ki nā mea ka tutupu i te taimi nei ma i he taimi i mua, ka kave kehe e te Atua tona vāega mai nā fua o te lākau o te ola, ma i te Kakai Paia, e vē oi tūhia i te tuhi tēnei.