Fakaaliga 20:3 - Tokelauan New Testament

³ Kua togi e te agelu ia Hātani ki loto o te lua e hēai he gataga o tona loloto, ma loka ma fakamau te faitotoka ki te lua. I kinā e tatau ke nofo ai ia Hātani ke kātoa he afe tauhaga, ma i te taimi tēnei e hē ia toe mafaia oi fakahehē ia tagata i te lalolagi kātoa. Kāfai e kātoa te afe tauhaga, e tatau ke fakahaoloto mo hina taimi.

Fakaaliga 20:3 ပူးပေါင်းရင်းမြစ်များ

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 27:66

Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.

Maleko 4:15

Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Luka 8:31

Oi fakatagi atu ai ki lātou ki a Iehu ke nahe ia fakatonua ke uga ki lātou ki lalo ki te lua e hēai he gataga o tona loloto.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Petelu 3:8

Kae ko koutou te kau uho pele, nahe puli lele i te mea tēnei e fokotahi! E hēai he kehekehega o te aho e fokotahi ma te afe tauhaga, i te kikila a te Aliki. E tutuha lava nā mea iēnei e lua ia te ia.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 17:2

Ko nā tupu uma o te lalolagi na momoe ma ia, ma ko nā tino e nonofo i te lalolagi kua konanā auā kua feinu ki te uaina o ona tuinanauga ki te tino.”

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 20:1

Oi kō kitea atu ai he agelu e fanaifo mai te lagi, ma e tāofi i tona lima te kī ki te lua e hēai he gataga o tona loloto, ma he filifili ukamea mamafa.