Fakaaliga 20:2 - Tokelauan New Testament

² Kua puke e ia te tālako, te gata mai te kāloā — ko tētahi ona igoa ko te Tiāpolo pe ko Hātani — ma haihai i te filifili mo he afe tauhaga.

Fakaaliga 20:2 ပူးပေါင်းရင်းမြစ်များ

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Maleko 4:15

Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Maleko 5:7

kae kalaga leo lahi lele, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ki a te koe i te igoa o te Atua, nahe kē fakahāuā mai ko ki a te au!”

Ioane 12:31

Ko tēnei te taimi e fakamahino ai te lalolagi; ko tēnei te taimi e fakatōkilalo ai te pule o tēnei lalolagi.

Ioane 16:11

ma e hehē to lātou tāofi e uiga ki te fakamahinoga, auā ko te pule o te lalolagi kua uma te fakamahinogia e te Atua.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Epelu 2:14

Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Fakaaliga 12:13

I te iloaga e te tālako ko ia kua togi ki lalo ki te lalolagi, oi kāmata ai oi tulituli e ia te fafine na fānau mai ai te tama.

Fakaaliga 12:15

Oi fakahau ai ki fafo mai te gutu o te tālako he vai e vē he vaitafe ke tafe ki te fafine ma ke tāfea kehe ai.

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 12:3

Kua toe kitea atu hētahi fakailoga uiga kehe i te lagi. Ko he mātuā tālako lanu kukula e fitu ona ulu ma hefulu ona nifo hua, ma e tofu te ulu ma te tamā palealiki.

Fakaaliga 12:4

Kua toho ifo e ia mai te lagi i tona hikuhiku, te tahi vaetolu o nā fetu, ma togi ki lalo ki te lalolagi. Ma kua tū i mua o te fafine, kae ke ia kaia te pepe i te taimi lava e fānau mai ai.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:2

Ko te manu fekai e vē ko he leopate, ko ona vae e vē ni vae o he uloha ma tona gutu e vē he gutu o he leona. Kua tuku atu e te tālako tona mālohi ki te manu fekai, vēnā tona nofoāliki ma tana pule lahi fakatupu.

Fakaaliga 13:4

Kua ifo ia tagata uma ki te tālako ona na ia fōkia tana pule ki te manu fekai. Na ifo foki ki lātou ki te manu fekai, ma lea vē, “Ko ai nei te vē ko te manu fekai? Ko ai nei te ia mafai oi tau ki ei?”

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.

Fakaaliga 20:7

Kāfai e uma te afe tauhaga, oi ka tatala loa lava ia Hātani mai tona falepuipui,

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)