Fakaaliga 2:5 - Tokelauan New Testament

⁵ Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.

Fakaaliga 2:5 ပူးပေါင်းရင်းမြစ်များ

Mataio 5:14

“Ko koutou e vē ko he mōlī mo tagata uma o te lalolagi. Ko he kakai e fau i luga o he mauga, e hē mafai ke hē kitea.

Mataio 5:15

E hēai foki he tino e ia tutua he mōlī oi tuku ai ki lalo o he tānoa; kae e tuku e ia ki luga o he tugāmōlī, te mea e māina ai ki nā tino uma i loto o te fale.

Maleko 12:9

Kua fehili atu ia Iehu, “He ā nei ta te tino e o ia te tōvine ka fai? Ka hau nei oi tāmate nā nofolihi iēnā, ma tuku atu te tōvine ki ni iētahi tino.

Luka 1:17

Ka muamua atu ia i te Aliki, ma e mākeke ma lototele, e vē ko te pelofeta ko Elia. Ka fakaliliu e ia ia loto o mātua ki a lātou fānau; ka fakaliliu e ia nā tino fakalogo gatā ke toe kui i nā auala o te āmiotonu; ka tāpena e ia nā tino o te Aliki, ke hāuniuni mo ia.”

Luka 20:16

Ka hau nei oi tāmate nā tamāloa iēnā, ma tuku atu te tōvine ki ni iētahi nofolihi.” I te lagona atuga e nā tino te mea tēnei, oi lea vē atu ai, “E hē tatau lele ke vēnā!”

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

Filipi 2:15

kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

Epelu 10:32

Māfaufau ki te tūlaga nae i ei koutou i nā aho kua teka. I nā aho iēnā, kua uma ai te huhulu atu o te mālamalama o te Atua ki a te koutou, e lahi nā mea nae pagātia ai koutou, kae ko koutou nae onohai lava.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Fakaaliga 16:9

kua mu ia tagata i te kakaha o te vevela, ma fai ai e ki lātou uma nā kupu kino ki te Atua, tē e ia te ia te pule ki nā mala uma iēnei. Kae e hēki liliu kehe ki lātou mai a lātou agahala ma viviki atu ki tona hilihilikehe.

Fakaaliga 2:16

Liliu kehe loa mai autou agahala i te taimi nei! Kāfai koutou e hē liliu kehe, ko au ka fanatu i he taimi lata mai oi tau ma nā tino iēnā, i te pelu e hau ki fafo mai toku gutu.

Fakaaliga 2:19

E iloa e au nā mea a koutou e fai. E iloa e au te koutou alolofa, te koutou fakamāoni, te koutou tautua, ma te koutou onohai. E iloa e au e lahi atu nā gāluega a koutou e fai i te taimi nei, i lo muamua.

Fakaaliga 2:2

E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.