Fakaaliga 2:2 - Tokelauan New Testament

² E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.

Fakaaliga 2:2 ပူးပေါင်းရင်းမြစ်များ

Mataio 7:23

Oi ka lea vē atu au ki a te ki lātou, ‘E hē kō iloa koutou. Olo kehe ma au, koutou nā tino āmio kino.’

Ioane 6:6

(Na lea vēnā ki a Filipo, ke kikila pe ka vēhea ake hana tali; kae ko te meamoni, kua uma te ia iloa tana mea ka fai ka ko hēki fehili ai.)

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

1 Tehalonia 5:21

Tuku ia mea uma ki te tofotofoga: tāofi nā mea e lelei,

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.

Fakaaliga 2:6

Kae ko tēnei te mea e fiafia ai au ki a te koutou: ko koutou e inoino e vē ko au, ki nā mea e fai e nā tino e mulimuli ki a Nikolaito.

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 3:15

E iloa e au nā mea a koutou kua fai. I te ōlaga o koutou, ko koutou e hē tutū mālohi i te koutou fakatuatua pe loto fiafia mai foki ki a te au. Kai au te fofou ko te tūlaga e i ei koutou e i he mea o nā mea iēnei e lua!

Fakaaliga 3:8

E iloa e au autou gāluega e fai. Kikila, kua kō tatalagia he faitotoka mo koutou, ma e hēai he tino e ia mafaia oi tapunia. E iloa e au ko koutou ko he Ekalehia e hē tokalahi, kae ko koutou e mulimuli pea lava ki taku kupu ma e hēki teteke lele koutou ki toku igoa.