Fakaaliga 2:13 - Tokelauan New Testament

¹³ E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.

Fakaaliga 2:13 ပူးပေါင်းရင်းမြစ်များ

1 Timoteo 5:8

Kae kāfai he tino e hē ia tauhia lelei ona kāiga, kae maihe lava ona tōtino moni, ko tona uiga kua teteke e ia te talitonuga, ma e hili atu te kino o ia i lo nā tino e hēki talitonu.

Fakaaliga 3:11

Kua pili mai te taimi e fanatu ai au. Tāofi mau ki nā mea kua ia te koe, kae ke nahe kaihohoagia e he tino te fakailoga o tō manumālō.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

Gāluega 22:20

Ma i te tāmatega o Hetefano, tē nae molimau ki a te koe, ko au nae i ei ma na kau fakatahi au ma ki lātou ke tāmate, ma na kō kikilagia nā kofutatao o nā tino na ki lātou tāmatea ia Hetefano.’

Fakaaliga 14:12

Ona ko te mea tēnei, e tatau ai ia tagata o te Atua ke tūmau i te onohai ma te fakatuatua, nā tino e uhitaki ki nā fakatonuga a te Atua ma e talitonu ki a Iehu.

Fakaaliga 3:3

Ke manatua la nā mea na akoako atu ai koutou, ma nā mea na fakalogo koutou ki ei; uhitaki ki ei ma liliu kehe mai autou agahala. Kāfai koutou ka hē āla ki luga, ko au ka fanatu ki a te koutou e vē he tino kaihohoa, ma ka hē koutou iloa te taimi e fanatu ai au.

Fakaaliga 2:2

E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.

Epelu 10:23

Tātou tāofi mau ki te fakamoemoe kua folafola e ki tātou, auā e ki tātou mautinoa ko te Atua e tauhi ki tana folafolaga.

2 Timoteo 1:13

Pipiki mau ki nā kupu moni na akoako atu ai koe e au ke fai ma takiala ki a te koe, ma tūmau i te fakatuatua ma te alofa e maua e ki tātou i te māfutaga ma Keliho Iehu.

Mataio 24:9

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.

Iakopo 2:7

Ko ki lātou lava iēnei te fāifāi ki te igoa lelei o te Aliki tēia kua uma te fakamanuiagia ai o koutou.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

1 Tehalonia 5:21

Tuku ia mea uma ki te tofotofoga: tāofi nā mea e lelei,

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

Luka 21:17

Ka inohia koutou e tagata uma ona ko au.

Mataio 10:23

Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 11:3

Ka uga atu e au aku molimau e toka lua e lākei i ni kofutaga, ma ka ki lā folafolagia te fekau a te Atua i nā aho iēnā e 1,260.”

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 13:2

Ko te manu fekai e vē ko he leopate, ko ona vae e vē ni vae o he uloha ma tona gutu e vē he gutu o he leona. Kua tuku atu e te tālako tona mālohi ki te manu fekai, vēnā tona nofoāliki ma tana pule lahi fakatupu.

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”