Fakaaliga 2:12 - Tokelauan New Testament

¹² “Tuhi vēnei ki te agelu o te Ekalehia i Pekamoni: “Ko te fekau tēnei mai tē e ia te ia te pelu e taufai kaha uma nā itū.

Fakaaliga 2:12 ပူးပေါင်းရင်းမြစ်များ

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

Fakaaliga 1:16

E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Fakaaliga 19:15

E hau i loto o tona gutu he pelu kakaha, ka fakatōkilalo ai e ia nā mālō. Ka pūlea e ia ki lātou ma te fakahāuā, ma ka holi e ia i ona vae nā fuāvine i loto o te tanoa tatau vine o te tōkahā o te Atua Hilihilikehe te Mālohi.

Fakaaliga 19:21

Ko nā vaegākau a ki lātou kua fakaumatia i te pelu e hau ki fafo o te gutu o te tino e tiketike i te holofanua; ma na kai e nā manulele uma o lātou kanofi.

Fakaaliga 2:1

“Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.

Fakaaliga 2:16

Liliu kehe loa mai autou agahala i te taimi nei! Kāfai koutou e hē liliu kehe, ko au ka fanatu i he taimi lata mai oi tau ma nā tino iēnā, i te pelu e hau ki fafo mai toku gutu.