Fakaaliga 2:1 - Tokelauan New Testament

¹ “Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.

Fakaaliga 2:1 ပူးပေါင်းရင်းမြစ်များ

Mataio 18:20

Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Gāluega 18:19

Kua taunuku atu ki lātou ki Efeho, oi tuku ai i kinā ia Pihila ma Akula e Paulo kae fano ki te hūnako, ma talatalanoa ai ma nā tino Iutaia.

Gāluega 18:21

Ka kua lea vēnei atu ki ei i te taimi ka fano kehe ai, “Kāfai ko te finagalo ia o te Atua, e toe foki mai lava au ki a te koutou.” Oi folau kehe ai loa mai Efeho.

Gāluega 19:1

I te taimi ka koi i Kolinito ai ia Apolo, na faimalaga ai ia Paulo kui loto o te kogāfenua o Kalatia ma Fulugia, ma taunuku atu ki Efeho. Na maua e ia i kinā ni tino Kelihiano,

2 Kolinito 6:16

E vēhea ona mafai ke talia nā tupua i loto o te mālumalu o te Atua? Auā ko ki tātou ko te mālumalu ia o te Atua e ola! E vē oi vāgana te Atua, “Ka mau au i loto o oku tagata ma havali fakatahi ma ki lātou; ka fai au ma o lātou Atua, ma ka kavea ki lātou ma oku tagata.”

Fakaaliga 1:16

E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Fakaaliga 12:1

Oi kitea atu ai he fakailoga uiga kehe i te lagi. Ko he fafine e kofu i te la ka ko te māhina e i lalo o ona vae, ma he palealiki e fai i ni fetu e hefululua e i tona ulu.

Fakaaliga 2:12

“Tuhi vēnei ki te agelu o te Ekalehia i Pekamoni: “Ko te fekau tēnei mai tē e ia te ia te pelu e taufai kaha uma nā itū.

Fakaaliga 2:18

“Tuhi vēnei ki te agelu o te Ekalehia i Tuateilo: “Ko te fekau tēnei mai te Ataliki o te Atua, ko ona mata e mumū e vē he afi, ko ona vae e gigila e vē he apamemea kua uma te pōlehi.

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.