Fakaaliga 19:3 - Tokelauan New Testament

³ Na toe kālalaga vē ki lātou, “Ke vīkia te Atua! Ko te ahu mai te afi kua huhunu ai te kakai tāua, e fanake pea lava ki luga ke pa ki te fakavavau!”

Fakaaliga 19:3 ပူးပေါင်းရင်းမြစ်များ

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 14:11

Ko te ahu o te afi e fakatīgāina ai ki lātou, e mumū pea lava ke pa ki te fakavavau. E hē maua he mapu i te ao ma te pō, e ki lātou e ifo ki te manu fekai ma te fakatuha o ia, ma kua ia te ki lātou te fakailoga o tona igoa.”

Fakaaliga 18:18

ma faitatagi kae kikila ki te ahu mai te afi kua huhunu ai te kakai takutakua ma lea vē, “E hēki i ei lele hētahi kakai e vē ko te kakai takutakua tēnei.”

Fakaaliga 18:9

Ko nā tupu o te lalolagi na ki lātou fakatinoagia fakatahi ma ia nā tuinanauga ki te tino, ma fiafia fakatahi ai ma ia, ka faitatagi ma lauē kāfai e kitea atu e ki lātou te ahu o te afi e huhunu ai ia.

Fakaaliga 19:1

Kua uma atu te mea tēnei, oi lagona ai e au he mea e vē he leo lahi lele o he kaifenua tokalahi i te lagi, e tau kālalaga vē, “Ke vīkia te Atua! Ko te Atua ko te Fakaola! E o ia te mana ma te mālohi!

Fakaaliga 19:4

Oi fakapakukū ai ki lalo nā toeaina e toka luahefulufa ma nā meaola e fa, kua ifo ki te Atua e nofo i tona nofoāliki. Kua lea vē atu, “Amene! Ke vīkia te Atua!”