Fakaaliga 17:3 - Tokelauan New Testament

³ Na ulufia au e te Agaga, oi kave ai au e te agelu ki te vao. I kinā na kō kitea ai he fafine e nofo i luga o he manu fekai lanu kukula mālohi, e tūhia i tona tino kātoa na igoa kino e fāifāi ki te Atua; e fitu ia ulu o te manu fekai ma hefulu ona nifo hua.

Fakaaliga 17:3 ပူးပေါင်းရင်းမြစ်များ

Mataio 27:28

Kua tatala kehe e ki lātou ona kofu, oi fakakofu ai i he kofu tatao lanu kukula mālohi.

Gāluega 8:39

I te oakega o ki lāua ki luga mai te vai, oi kāvea ai ia Filipo e te Agaga Paia. E hēki toe kitea e te eunuka ia Filipo, ka kua fakaauau pea i tona auala ma tona loto kua tumu i te fiafia.

2 Tehalonia 2:4

Ka teteke ia ki ho he itūkāigā atua pe ho he mea e ifo tāpuaki ki ei ia tagata, ma ia fakahilihilia ia i lo nā mea uma iēnei. Ka mafai foki ia ke fano ki loto o te Mālumalu o te Atua ma nofo ki lalo, ma lea ko ia ko te Atua.

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.

Fakaaliga 12:14

Kae kua fōki ki te fafine nā kapahau e lua o he mātuā āeto, kae ke ia mafaia oi lele ki te mea e nofo ai i te toafa, te mea ka tauhia ai ia mo he tolu ma te āfa tauhaga, ma hē mafai ai e te tālako ke fai hana mea ki ei.

Fakaaliga 12:3

Kua toe kitea atu hētahi fakailoga uiga kehe i te lagi. Ko he mātuā tālako lanu kukula e fitu ona ulu ma hefulu ona nifo hua, ma e tofu te ulu ma te tamā palealiki.

Fakaaliga 12:6

Kua hola te fafine ki te vao, ki he mea na hāunia e te Atua mo ia, ke tauhi ai i kinā mo nā aho e 1,260.

Fakaaliga 17:18

“Ko te fafine na kitea e koe, ko te kakai takutakua tēnā e pule ki tupu uma o te lalolagi.”

Fakaaliga 17:4

Ko te fafine e kofu i he kofu violē kukula mālohi ma e teuteu tona tino i nā mea aulo, nā fatu mānanaia taugatā, ma nā pēnina. E i tona lima he ipu aulo e tumu i nā mea kino ma te hē mamā na maua e ia e ala i ona tuinanauga ki te tino.

Fakaaliga 18:12

e hēai he tino e fia fakatau ki a lātou aulo, hiliva, fatu mānanaia ma taugatā, ma nā pēnina; ko a lātou koloa kie vavae, kie taugatā lanu violē, kie hilika, ma nā kie kukula mālohi; ko itūkāigā lākau manogi kehekehe, ko nā mea talatalai kehekehe e talai i nā nifo elefane, i nā lākau taugatā, i nā apamemea, i nā ukamea ma nā fatu mānanaia lāmolemole;

Fakaaliga 18:16

ma lea vē, “Oi hāloa! Oi hāloa! Te kakai takutakua! Te kakai takutakua nae māhani kofu i nā kofu e fai i te kie vavae lanu violē ma kukula mālohi, ma teuteu tona tino i nā mea e fai i te aulo, nā fatu mānanaia ma te taugatā, ma nā pēnina!

Fakaaliga 21:10

Oi ulufia ai au e te Agaga o te Atua, ma kua kave au e te agelu ki te tumutumu o he mauga maualuga. Kua fakaali mai e ia ki a te au ia Ieluhalema, te Kakai Paia, e fanaifo i te lagi mai te Atua

Fakaaliga 4:2

Ko te taimi lava tēnā na ulufia ai au e te Agaga o te Atua, ma na kō kitea atu ai he nofoāliki ma he tino e nofo i luga.