Fakaaliga 17:2 - Tokelauan New Testament

² Ko nā tupu uma o te lalolagi na momoe ma ia, ma ko nā tino e nonofo i te lalolagi kua konanā auā kua feinu ki te uaina o ona tuinanauga ki te tino.”

Fakaaliga 17:2 ပူးပေါင်းရင်းမြစ်များ

Ioane 2:10

“Ko nā tino uma lele, e fakahoa muamua lava e ki lātou te uaina lelei, ma kāfai loa te kau valakaulia e kāmata oi konanā, oi fātoā fakahoa ai la ki ei te uaina taugōfie. Kae kua kē tāofia te uaina lelei, ke fakahoa mulimuli.”

Fakaaliga 14:8

Oi hau ai hētahi agelu e mulimuli mai i tua o te agelu muamua, ma kalaga vē, “Ko te kakai takutakua ko Papelona kua fakahēaogāgia! Na ia fakainua ia tagata uma i tana uaina — te uaina mālohi o nā tuinanauga ki te tino.”

Fakaaliga 17:13

Ko nā tupu uma iēnei e toka hefulu, e tahi ki lātou i te māfaufau ma ka fōki e ki lātou to lātou mālohi ma te pule ki te manu fekai.

Fakaaliga 17:17

Auā kua fakatupu e te Atua i o lātou loto te manatu ke ki lātou faia ai te mea e fofou ia ki ei, e ala i te gālulue fakatahi ma te tuku atu o te lātou pule ki te manu fekai, ke pa ki te taimi e taunuku ai te kupu a te Atua.

Fakaaliga 17:5

I tona muāulu e tuhi ai he igoa e hē iloa e iētahi tino te uiga, e vēnei: “Te kakai takutakua ko Papelona, te mātua o fafine talitāne uma, ma tē e tutupu mai ai ia āmio mātagā uma i te lalolagi.”

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 18:23

Ka hē toe kitea lele i loto o koe te mumū o he mōlī; ka hē toe lagona nā leo o teine ma tama fakaipoipo i loto o koe. Ko nā tino fai pihinihi o koe te nae pito hili oi takutakua i te lalolagi, ma ko au mea fakataulaitu pepelo na fakahehē ai e koe ia tagata uma o te lalolagi.”

Fakaaliga 18:3

Auā ko tagata o mālō uma na feinu ki tana uaina — te uaina mālohi o ona tuinanauga ki te tino. Ko tupu o te lalolagi na ki lātou fakatinoa fakatahi ma ia nā tuinanauga ki te tino, ma ko tagata faipihinihi o te lalolagi na fakaatili te mau koloa ona e hēai he mea e gata mai ai ona tuinanauga.”

Fakaaliga 18:9

Ko nā tupu o te lalolagi na ki lātou fakatinoagia fakatahi ma ia nā tuinanauga ki te tino, ma fiafia fakatahi ai ma ia, ka faitatagi ma lauē kāfai e kitea atu e ki lātou te ahu o te afi e huhunu ai ia.

Fakaaliga 2:22

Kikila, ka fakahala e au te fafine i he tauale, ma fakahala fakatahi ai ma ki lātou na faia te mulilua fakatahi ma ia, ma ka matuā pagātia lava ki lātou uma i nā tauale. Ka kō faia te mea tēnei i te taimi nei, pe kāfai e hē halamō ki lātou i nā mea mātagā nae fai e ki lātou ma te fafine.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

Fakaaliga 9:21

E hēki mafai foki ki lātou ke halamō e tuha ai ma a lātou tāmate tino, a lātou mea fakataulaitu, te fai āmio mātagā, pe ko a lātou kaihohoa.