Fakaaliga 16:9 - Tokelauan New Testament

⁹ kua mu ia tagata i te kakaha o te vevela, ma fai ai e ki lātou uma nā kupu kino ki te Atua, tē e ia te ia te pule ki nā mala uma iēnei. Kae e hēki liliu kehe ki lātou mai a lātou agahala ma viviki atu ki tona hilihilikehe.

Fakaaliga 16:9 ပူးပေါင်းရင်းမြစ်များ

Luka 13:3

E lea atu au, e hēai! Kae kāfai koutou e hē halamō i autou agahala, ko koutou uma e feoti foki vēnā.

Luka 13:5

E lea atu au, e hēai! Kae kāfai koutou e hē halamō i autou agahala, ko koutou uma e feoti foki vēnā.”

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Fakaaliga 14:7

Kua lea vē atu i he leo lahi, “Koutou ke mātataku i te Atua ma viviki atu ki a te ia, auā kua pa ki te taimi e fakamahino ai e ia ia tagata uma. Ifo atu ki tē na faia te lagi, te lalolagi, te tai, ma nā vaipuna.”

Fakaaliga 16:21

Na to nā ua aiha matamatalalahi, ko te mamafa o te matāua aiha e fokotahi e maua te helau pauna. Kua malili ifo mai te lagi ki luga o tagata, ma na fai kupu kino ai ki lātou ki te Atua ona ko te mala o te ua aiha, he mala e aloā e matakutia.

Fakaaliga 2:21

Kua kō tukua ki ei he taimi ke halamō ai i ana agahala, kae e hē fofou ke liliu kehe mai nā tuinanauga mātagā o te tino.

Fakaaliga 9:20

Ko nā tino na totoe, ki lātou e hēki feoti i nā mala, e hēki liliu kehe lele mai nā tupua na ki lātou gaohia. E hēki uma to lātou tāpuaki ki nā tēmoni, pe ko nā tupua e gaohia i te aulo, hiliva, apamemea, fatu ma nā lākau, nā mea e hē mafai ke kitea pe lagona he mea, pe mafai ke havavali.