Fakaaliga 14:2 - Tokelauan New Testament

² Ma na lagona e au he leo mai te lagi e vē ko te gugulu o he tai galu lahi, e vē ko te gāpāpā o he tāgulu. Ko te leo na lagona e au e vē ko nā muhika e ta i nā kītala.

Fakaaliga 14:2 ပူးပေါင်းရင်းမြစ်များ

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Fakaaliga 1:15

ko ona vae e huhulu e vē ko te apamemea kua uma te toe fakalelei ma pōlehi, ma ko tona leo lahi e vē ko te gugulu o he tai galu lahi.

Fakaaliga 15:2

Oi kō kitea atu ai he mea e vē he tai tioata e i loto ai ma he afi. Na kō kitea atu foki nā tino na ki lātou fakatōkilalogia te manu fekai ma tona fakatuha, tē e hui tona igoa i he nūmela. E tutū i tafa o te tai tioata ma tāofi a lātou kītala na fōki ki ei e te Atua,

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 18:22

Ka hē toe lagona lele i loto o koe nā muhika mai nā kītala ma leo o tagata, mai nā tino ili fagufagu ma nā tino ili pu. Ka hē toe i ei lele he tino faigāluega mai nā itū kaiga gāluega kehekehe ka toe maua i loto o koe; ma ka hē toe lagona lele foki te pākēkē o te fatu lahi e tuki ai te haito!

Fakaaliga 11:12

Oi lagona ai e nā pelofeta e toka lua he leo lahi mai te lagi e lea vē ifo ki a te ki lāua, “Ōmamai ki luga nei!” Ka koi kikila atu o lā fili, ka kua ōake ki lāua ki te lagi i he ao.

Fakaaliga 6:1

Oi kō kitea atu ai te Punuamāmoe e tatala e ia te fakamaufakailoga muamua o nā fakamaufakailoga e fitu, ma na kō lagona tētahi o nā meaola e fa e lea vē i he leo lahi e vē ko te gugulu a he tāgulu, “Hau!”

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.

Fakaaliga 8:7

Kua ili te pu a te agelu muamua, oi to ai ki luga o te laukelekele he ua aiha ma te afi e palu fakatahi ma te toto. Na mu ai te tahi vaetolu o te laukelekele, te tahi vaetolu o nā lākau, vēnā ma nā lau mutia uma lele.

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.