Fakaaliga 13:8 - Tokelauan New Testament

⁸ Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 13:8 ပူးပေါင်းရင်းမြစ်များ

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Luka 10:20

Kae ia koutou nahe fiafia ona ko nā agaga kino e uhitaki atu ki a te koutou; kae fiafia auā ko nā igoa o koutou kua tuhituhia i te lagi.”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Filipi 4:3

Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Fakaaliga 12:15

Oi fakahau ai ki fafo mai te gutu o te tālako he vai e vē he vaitafe ke tafe ki te fafine ma ke tāfea kehe ai.

Fakaaliga 13:12

Na fakaaogā e ia te pule lahi a te manu fekai muamua ka koi i ei ai i kinā te manu fekai muamua. Na fakamālohia e ia te lalolagi ma tagata uma e nonofo ai, ke ifo ki te manu fekai muamua, tēia kua mate ona manuka na tatau ke oti ai.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.

Fakaaliga 5:12

ma e pepehe leo lahi: “Ko te Punuamāmoe na tāmate kua ia te ia te pule ke tuku atu ki ei te mana, te tamaokāiga, te poto ma te mālohi te fakaaloalo, te vīkiga ma te fakafetai.”

Fakaaliga 5:13

Ma na kō lagona atu nā meaola uma lele i te lagi, i te lalolagi, i te lalolagi i lalo i te takele o te kelekele, ma i loto o te tai — ma meaola uma i loto o iēnei mea uma, e pepehe: “Ke i tē e nofo i luga o te nofoāliki vēnā ma te Punuamāmoe, te fakafetai ma te fakaaloalo, te vīkiga ma te mana, ke pa ki te fakavavau fakavavau lava!”

Fakaaliga 6:1

Oi kō kitea atu ai te Punuamāmoe e tatala e ia te fakamaufakailoga muamua o nā fakamaufakailoga e fitu, ma na kō lagona tētahi o nā meaola e fa e lea vē i he leo lahi e vē ko te gugulu a he tāgulu, “Hau!”