Fakaaliga 13:7 - Tokelauan New Testament

⁷ Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.

Fakaaliga 13:7 ပူးပေါင်းရင်းမြစ်များ

Luka 4:6

Kua lea atu te Tiāpolo ki a Iehu, “Ka fōki atu e au ki a te koe te pule ki nā mālō uma iēnei, vēnā ma o lātou mamalu; auā kua uma te tuku mai ki a te au, ma e kō mafaia oi fōki ki ho he tino e loto au ki ei.

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Fakaaliga 10:11

Oi lea vē mai ai ki a te au, “E tatau ke toe tālaki e koe te fekau a te Atua e uiga ki tagata, mālō, lanu, gagana ma tupu e tokalahi.”

Fakaaliga 11:18

Kua fakatumulia ia tagata fakapaupau i te ita lahi auā kua pa ki te taimi e pa mai ai tō tōkahā, te taimi e fakamahino ai nā tino oti. Kua pa ki te taimi e tuku atu ai te taui mo au kaukauna, nā pelofeta ma nā tino uma o koe, ki lātou e mātataku ia te koe, nā tino e maualuluga nā tūlaga vēnā ma ki lātou e fakatauva. Kua pa ki te taimi e fakaumatia ai nā tino e ki lātou fakaumatiagia te lalolagi!”

Fakaaliga 11:7

Kāfai e uma te molimaugia e ki lāua te fekau a te Atua, e fanake ki luga te manu fekai mai te lua e hēai he gataga o tona loloto, oi tau ma ki lāua; ma ka ia fakatōkilalogia ma tāmatea ki lāua,

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 17:15

Na lea vēnei mai foki te agelu ki a te au, “Ko nā vai na kitea e koe e nofo i luga te fafine talitāne, ko nā tino iēnā o mālō, nuku, lanu ma gagana.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.