Fakaaliga 13:3 - Tokelauan New Testament

³ Ko tētahi o ulu o te manu fekai e fōliga nae i ei he manuka kino na tatau ke oti ai, kae ko te manuka kua mate. Na ofo lahi ia tagata uma i te lalolagi ma na mulimuli ai ki lātou ki te manu fekai.

Fakaaliga 13:3 ပူးပေါင်းရင်းမြစ်များ

Luka 2:1

Ko nā aho lava iēnā, na fai ai te fakatonuga a te Kaihala Aukuho, ke fai he tuhigāigoa a tagata uma o te lalolagi, e i lalo o te pūlega a Loma.

Ioane 12:19

Oi fakataufai ai te kau Falehaio ma lea vē tētahi ki tētahi, “E kē iloa, kua hē aogā lele a tātou taumafaiga! Kikila atu, ko te lalolagi kātoa e mulimuli ki a te ia!”

Gāluega 8:13

Ko Himona foki na talitonu; ma i te umaga o te papatihoga o ia, oi mulimuli ai lava ki a Filipo, ma na ofo lele i te ia kiteaga o nā mea ofoofogia ma nā vāvega nae fai.

Fakaaliga 13:12

Na fakaaogā e ia te pule lahi a te manu fekai muamua ka koi i ei ai i kinā te manu fekai muamua. Na fakamālohia e ia te lalolagi ma tagata uma e nonofo ai, ke ifo ki te manu fekai muamua, tēia kua mate ona manuka na tatau ke oti ai.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 17:10

e toka lima ki lātou kua feoti, e fokotahi koi fakaauau lava tana pule, ma ko tētahi ko hēki hau; kāfai e hau, e tatau ke pule mo hina taimi pukupuku.

Fakaaliga 17:11

Ma ko te manu fekai nae ola muamua kae kua hē toe ola nei, ko tona valu ia o tupu ma ko tētahi ia o te toka fitu, ma e fano ki te mea e fakaumatia ai.

Fakaaliga 17:13

Ko nā tupu uma iēnei e toka hefulu, e tahi ki lātou i te māfaufau ma ka fōki e ki lātou to lātou mālohi ma te pule ki te manu fekai.

Fakaaliga 17:17

Auā kua fakatupu e te Atua i o lātou loto te manatu ke ki lātou faia ai te mea e fofou ia ki ei, e ala i te gālulue fakatahi ma te tuku atu o te lātou pule ki te manu fekai, ke pa ki te taimi e taunuku ai te kupu a te Atua.

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.