Fakaaliga 13:1 - Tokelauan New Testament

¹ Oi kō kitea atu ai he manu fekai e fanake mai te tai. E hefulu ona nifo hua ma fitu ona ulu; ko nā nifo hua takitahi e tofu ma te tamā palealiki, ma ko ona ulu takitahi e tūhia ai he igoa fāifāi ki te Atua.

Fakaaliga 13:1 ပူးပေါင်းရင်းမြစ်များ

Fakaaliga 11:7

Kāfai e uma te molimaugia e ki lāua te fekau a te Atua, e fanake ki luga te manu fekai mai te lua e hēai he gataga o tona loloto, oi tau ma ki lāua; ma ka ia fakatōkilalogia ma tāmatea ki lāua,

Fakaaliga 12:3

Kua toe kitea atu hētahi fakailoga uiga kehe i te lagi. Ko he mātuā tālako lanu kukula e fitu ona ulu ma hefulu ona nifo hua, ma e tofu te ulu ma te tamā palealiki.

Fakaaliga 13:11

Oi kō kitea atu ai hētahi manu fekai, na fanake mai te kelekele. E lua ona nifo hua e vē ni nifo hua o he punuamāmoe, ma na tautala e vē he tālako.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 13:15

Na fakataga te manu fekai ke ia mānavagia te ola ki loto o te fakatuha o te manu fekai muamua, kae ke mafai ai te fakatuha ke tautala ma fakatonu e ia ke tāmate nā tino e hē ifo ake ki a te ia.

Fakaaliga 15:2

Oi kō kitea atu ai he mea e vē he tai tioata e i loto ai ma he afi. Na kō kitea atu foki nā tino na ki lātou fakatōkilalogia te manu fekai ma tona fakatuha, tē e hui tona igoa i he nūmela. E tutū i tafa o te tai tioata ma tāofi a lātou kītala na fōki ki ei e te Atua,

Fakaaliga 16:13

Oi kō kitea atu ai ni agaga kino e tolu e vē ni lane o lātou fōliga, e ōmamai mai loto o te gutu o te tālako, te gutu o te manu fekai ma te gutu o te pelofeta pepelo.

Fakaaliga 17:16

Ko nā nifo hua e hefulu na kitea e koe, ma te manu fekai, ka feita ki te fafine talitāne; ka kave e ki lātou nā mea uma lele a ia ma tīaki vē e hēai ni ona kie; ka kai e ki lātou tona tino ma fakaumatia i te afi.

Fakaaliga 17:3

Na ulufia au e te Agaga, oi kave ai au e te agelu ki te vao. I kinā na kō kitea ai he fafine e nofo i luga o he manu fekai lanu kukula mālohi, e tūhia i tona tino kātoa na igoa kino e fāifāi ki te Atua; e fitu ia ulu o te manu fekai ma hefulu ona nifo hua.

Fakaaliga 17:5

I tona muāulu e tuhi ai he igoa e hē iloa e iētahi tino te uiga, e vēnei: “Te kakai takutakua ko Papelona, te mātua o fafine talitāne uma, ma tē e tutupu mai ai ia āmio mātagā uma i te lalolagi.”

Fakaaliga 19:19

Oi kō kitea atu ai te manu fekai ma nā tupu o te lalolagi ma a lātou vaegākau kua fakapotopoto ke tau ma te tino e tiketike i te holofanua paepae ma ana vaegākau