Fakaaliga 11:9 - Tokelauan New Testament

⁹ Ko nā tino mai mālō uma, nuku uma, gagana uma ma lanu uma, ka kikila pea lava ki o lā tino oti mo ni aho e tolu ma te āfa, ma ka hē ki lātou fakatagagia ke tanu.

Fakaaliga 11:9 ပူးပေါင်းရင်းမြစ်များ

Mataio 7:2

auā ko te fakamahinoga e koutou faia ki iētahi tino, ka fakamahino ai foki koutou, ma ko te fua e fakaaogā e koutou, ko te fua foki ia ka fakaaogā e te Atua ki a te koutou.

Fakaaliga 10:11

Oi lea vē mai ai ki a te au, “E tatau ke toe tālaki e koe te fekau a te Atua e uiga ki tagata, mālō, lanu, gagana ma tupu e tokalahi.”

Fakaaliga 11:11

Kua uma te tolu ma te āfa aho, oi fanaifo ai te mānava ola mai te Atua ma ulu ki a te ki lāua, ma na tutū ai ki lāua ki luga; ma ko ki lātou uma na kikila ki ei, na mātataku lahi lele.

Fakaaliga 13:7

Na fakataga ke tau ma tagata o te Atua ma ke fakatōkilalogia ki lātou, ma na fōki ki ei te pule ke ia pūlea ai ia nuku uma, mālō uma, gagana uma ma lanu uma.

Fakaaliga 17:15

Na lea vēnei mai foki te agelu ki a te au, “Ko nā vai na kitea e koe e nofo i luga te fafine talitāne, ko nā tino iēnā o mālō, nuku, lanu ma gagana.

Fakaaliga 5:8

I te kave kehega e ia, oi fakapakukū ai ki lalo nā meaola e fa ma nā toeaina e lua hefulufa, ki mua o te Punuamāmoe. E tofu nā toeaina ma te kītala ma te ipuloloto aulo e tumu i nā meamanogi fakamū, ko nā mea iēnei ko nā tatalo iēnā a tagata o te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.