Fakaaliga 11:8 - Tokelauan New Testament

⁸ ma ka tatitia o lā tino i luga o te auala o te kakai tāua, te mea na fakahātaulo ai te Aliki. Ko te igoa tau fakaataata o te kakai tēnā ko Hotoma pe ko Aikupito.

Fakaaliga 11:8 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Gāluega 9:4

Na pakū ia Haulo ki lalo ma na ia lagona atu ai he leo e lea vē ake ki a te ia, “Haulo, Haulo! He ā te kua fakahāuā mai ai koe ki a te au?”

Epelu 13:12

Ko Iehu foki na oti i fafo o te kakai, kae ke fakamamā ai ia agahala a tagata i tona toto.

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

2 Petelu 2:6

Na fakahalagia e te Atua nā kakai ko Hotoma ma Komolo ma fakaumatiagia i te afi, ma fai ki lātou ma fakatakitakiga ki te mea e pa ki ei nā tino e hē mātataku ia te ia.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.

Fakaaliga 11:9

Ko nā tino mai mālō uma, nuku uma, gagana uma ma lanu uma, ka kikila pea lava ki o lā tino oti mo ni aho e tolu ma te āfa, ma ka hē ki lātou fakatagagia ke tanu.

Fakaaliga 14:20

Kua tatau nā fuāvine i te tānoa tatau fuāvine i fafo o te kakai, ma na gogolo mai ai ki fafo te toto mai te tānoa tatau fuāvine, ma tupu ai he lolo e tolu helau kilomita te loa ma tai lua mita te loloto.

Fakaaliga 14:8

Oi hau ai hētahi agelu e mulimuli mai i tua o te agelu muamua, ma kalaga vē, “Ko te kakai takutakua ko Papelona kua fakahēaogāgia! Na ia fakainua ia tagata uma i tana uaina — te uaina mālohi o nā tuinanauga ki te tino.”

Fakaaliga 16:19

Kua vae tolu te kakai i te mafuie, ma kua fakakino ia kakai o mālō uma. E hēki puli ia Papelona i te Atua, ma na ia fakainua i te uaina mai tana ipu — te uaina o tona tōkahā.

Fakaaliga 17:1

Oi hau ai tētahi o nā agelu e toka fitu nae ia te ki lātou nā tānoa e fitu ma lea vē mai ki a te au, “Hau, ka fakahino atu e au ki a te koe te fakahalaga ka pa ki ei te fafine talitāne takutakua, te kakai tēia e tū tafapili ki nā vaitafe e lahi.

Fakaaliga 17:18

“Ko te fafine na kitea e koe, ko te kakai takutakua tēnā e pule ki tupu uma o te lalolagi.”

Fakaaliga 17:5

I tona muāulu e tuhi ai he igoa e hē iloa e iētahi tino te uiga, e vēnei: “Te kakai takutakua ko Papelona, te mātua o fafine talitāne uma, ma tē e tutupu mai ai ia āmio mātagā uma i te lalolagi.”

Fakaaliga 18:10

E tutū mamao lele mai, auā e mātataku nā ki lātou e puapuagā fakatahi ma ia. E lea vē ki lātou, “Oi hāloa! Oi hāloa! Te kakai takutakua ma te mālohi tēnei ko Papelona! I he itūlā lava e fokotahi, kae kua pa mai ai tō fakahalaga!”

Fakaaliga 18:18

ma faitatagi kae kikila ki te ahu mai te afi kua huhunu ai te kakai takutakua ma lea vē, “E hēki i ei lele hētahi kakai e vē ko te kakai takutakua tēnei.”

Fakaaliga 18:2

Kua kalaga leo lahi vēia, “Ko te Kakai Takutakua ko Papelona kua fakatōkilalogia! I te taimi nei, kua fai ma nofoaga o tēmoni ma agaga kino, ma itūkāigā manulele palapalā ma te inohia.

Fakaaliga 18:21

Oi hiki ai e he agelu mālohi he mātuā fatu e vē ko te lahi o he fatu tuki haito, ma togi ki te tai ma lea vē, “E vēnei lava te mea e fai ki te kakai takutakua ko Papelona, kāfai ka fakaumatia ma ka hē toe kitea lele.

Fakaaliga 18:24

Ko Papelona na fakahalagia ona ko te toto o te kau pelofeta ma tagata o te Atua na maua i loto o te kakai; io, te toto o ki lātou uma kua fahiotia i te lalolagi.