Fakaaliga 10:6 - Tokelauan New Testament

⁶ ma fai tana tautōga i te igoa o te Atua, tē e ola pea lava ke pa ki te hēgata, ma na ia gaohia te lagi, te lalolagi, ma te tai, ma nā mea uma lele i loto. Kua lea vē te agelu, “Ko te Atua ka hē toe fakatali lele!

Fakaaliga 10:6 ပူးပေါင်းရင်းမြစ်များ

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 12:12

Ko te lagi la ma nā tino uma e nonofo ai e tatau ke fiafia! Kae hāloa la te lalolagi ma te tai! Auā ko te Tiāpolo kua fanaifo ki lalo ki a te koutou ma e tumu i te tōkahā lahi, auā e ia iloa e pukupuku lele tona taimi koi totoe.”

Fakaaliga 16:17

Oi liligi ai e te agelu tona fitu tana tānoa ki loto o te ea, ma na fanaifo ai he leo lahi mai te nofoāliki i loto o te mālumalu e lea vē, “Kua taunuku!”

Fakaaliga 21:6

Ma na lea vē, “Kua taunuku nā mea uma iēnei! Ko au ko te Alefa ma te Ōmeka, te kāmataga ma te fakaikuga. Ko ai lava e fia inu, ka fōki e au ki ei e aunoa ma he totogi, te vai mai te vaipuna e maua ai te vai o te ola.

Fakaaliga 4:10

ko nā toeaina e toka luahefulufa e fakapakukū ki mua o tē e nofo i te nofoāliki, ma ifo atu ki tē e ola pea lava ke pa ki te fakavavau. E tuku o lātou pale ki lalo i mua o te nofoāliki ma lea vē,

Fakaaliga 4:11

“To mātou Aliki ma to mātou Atua! E tatau ma onomea ke maua e koe nā vīkiga, te fakaaloalo ma te mana. Auā ko nā mea uma lele na fai e koe, ma ko koe lava na loto ke i ei ni mea vēnei, ma na kē gaohia ai loa.”

Fakaaliga 4:9

Ko nā meaola e uhu a lātou pepe e viviki ma kavatu ai te fakaaloalo ma te fakafetai ki te tino e nofo i te nofoāliki, tē e ola pea lava ke pa ki te fakavavau. Ko taimi uma lava e ki lātou faia ai te mea tēnei,

Fakaaliga 6:11

Oi tuku atu ai ki a te ki lātou tau tokatahi he kofu tatao paepae ma fakatonu ke mapu tahi mālie, ke pa ki te taimi e kātoatoa ai te fuainumela o nā hoa kaukauna ma nā uho Kelihiano e tatau ke tāmate, e vē foki lava ko ki lātou na tāmate.