Fakaaliga 10:5 - Tokelauan New Testament

⁵ Oi tuhi ake ai te lima taumatau o te agelu na kō kitea e tū ona vae ki te tai ma te kelekele, ki te lagi

Fakaaliga 10:5 ပူးပေါင်းရင်းမြစ်များ

Gāluega 14:15

“He ā te fai ai e koutou he mea vēnei? Ko ki māua ni tagata ola e vē foki lava ko koutou! Ko ki māua e i kinei ke folafola atu te Tala Lelei ki a te koutou, kae ke mafai koutou ke olo kehe mai nā mea iēnā e hēai he aogā, kae liliu ki te Atua na faia te lagi, te lalolagi, te tai, ma nā mea uma lele i ei, ma e ola pea lava.

Gāluega 17:23

Auā i te kui atuga o oku i te koutou kakai ma kikila ki nā mea e tāpuaki ai koutou, na kō kitea ai he fata faitāulaga e tuhi ai, ‘Ki he Atua e Hē Iloa.’ Ko te Atua la tēnā e tāpuaki koutou ki ei, e ui lava e hē koutou iloa, ko te Atua ia e folafola atu nei e au ki a te koutou.

Loma 1:20

Talu te gaohia o te lalolagi e te Atua, e faigōfie lele oi iloa e tagata ko te mālohi o tona mana e hēai hona gataaga, ma ko ia ko te Atua moni. Ko nā mea iēnei e hē kitea, kae e mafai ke iloa. E iloa ona ko nā mea kua fai e te Atua. Oi e hēai la he mea e tatau ke hē ki lātou iloa ai.

Epelu 6:13

I te faiga o te folafolaga a te Atua ki a Apelaamo, na fai tana tautōga ko nā mea kua folafola e ia e taunuku lava. Ona e hēai hētahi tino e hili atu i lo ia, na fakaaogā ai lava e ia tona igoa, i te faiga o tana tautōga.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 10:2

E i ei te tamā tuhitākai kua tatala e i tona lima. Kua tuku atu tona vae taumatau ki te tai ma tona vae agavale ki te kelekele,

Fakaaliga 14:7

Kua lea vē atu i he leo lahi, “Koutou ke mātataku i te Atua ma viviki atu ki a te ia, auā kua pa ki te taimi e fakamahino ai e ia ia tagata uma. Ifo atu ki tē na faia te lagi, te lalolagi, te tai, ma nā vaipuna.”

Fakaaliga 16:17

Oi liligi ai e te agelu tona fitu tana tānoa ki loto o te ea, ma na fanaifo ai he leo lahi mai te nofoāliki i loto o te mālumalu e lea vē, “Kua taunuku!”

Fakaaliga 4:11

“To mātou Aliki ma to mātou Atua! E tatau ma onomea ke maua e koe nā vīkiga, te fakaaloalo ma te mana. Auā ko nā mea uma lele na fai e koe, ma ko koe lava na loto ke i ei ni mea vēnei, ma na kē gaohia ai loa.”

Fakaaliga 4:9

Ko nā meaola e uhu a lātou pepe e viviki ma kavatu ai te fakaaloalo ma te fakafetai ki te tino e nofo i te nofoāliki, tē e ola pea lava ke pa ki te fakavavau. Ko taimi uma lava e ki lātou faia ai te mea tēnei,