Fakaaliga 10:1 - Tokelauan New Testament

¹ Oi kō kitea atu ai hētahi agelu mālohi e fanaifo ki lalo mai te lagi. E tāpulupulu i he ao ma he nuanua e fakatāmilo i tona ulu; ko ona fōliga e vē ko te la, ma ona vae e vē ni poutū e mumū i he afi.

Fakaaliga 10:1 ပူးပေါင်းရင်းမြစ်များ

Mataio 17:2

Oi hūia ai te tino o Iehu kae kikila atu ki lātou; ko ona fōliga kua pupula e vē ko te la, ma nā kofu kua paepae hihina.

Luka 21:27

Ma ka kitea atu te Ataliki o te Tagata e haele mai i he ao o te lagi, ma te mana ma te mamalu hilihili kehe.

Gāluega 26:13

Tau Afioga te Tupu, ko luga o te auala i te tūpou o te la, na kō kitea ai he mālamalama e hili atu tona pupula i lo te pupula o te lā, kua fanaifo mai te lagi ma huhulu fakatakamilo ia te au ma nā taulelea na malaga fakatahi ki mātou.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 18:1

Kua uma te mea tēnei, oi kō kitea atu ai he agelu e fanaifo ki lalo mai te lagi. Nae ia te ia he pule lahi, ma ko tona huhulu na māinafia ai te lalolagi kātoa.

Fakaaliga 18:21

Oi hiki ai e he agelu mālohi he mātuā fatu e vē ko te lahi o he fatu tuki haito, ma togi ki te tai ma lea vē, “E vēnei lava te mea e fai ki te kakai takutakua ko Papelona, kāfai ka fakaumatia ma ka hē toe kitea lele.

Fakaaliga 20:1

Oi kō kitea atu ai he agelu e fanaifo mai te lagi, ma e tāofi i tona lima te kī ki te lua e hēai he gataga o tona loloto, ma he filifili ukamea mamafa.

Fakaaliga 4:3

Ko tona tino e huhulu pupula lanu hehega ma lanu meamata kukula, nā lanu o nā fatu mānanaia ma taugatā ko te iahepi ma te hationu, ma he nuanua e fakatāmilo i te nofoāliki kātoa, ko tona huhulu e lanu meamata e vē ko te lanu o te fatu manaia ma taugatā ko te himalato.

Fakaaliga 5:2

Ma na kō kitea atu he agelu e maualuga tona tūlaga pule, e fehili leo lahi vē, “Ko ai te tino e ia te ia te pule ke kave kehe ai nā fakamaufakailoga e fitu ma tatala ai te tuhitākai?”

Fakaaliga 8:13

Oi kikila atu ai au ma na kō lagona he āeto e tagi leo lahi kae lele maualuga ake i te vānimonimo, e lea vē, “Kae hāloa la, kae hāloa la, kae hāloa la ia tagata ola uma i te lalolagi kāfai e ili nā pu a iētahi agelu e toka tolu.”