Fakaaliga 1:7 - Tokelauan New Testament

⁷ Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 1:7 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Maleko 13:26

Ma ka kitea atu te Ataliki o te Tagata e haele mai i nā ao, ma te mana, ma te mamalu hilihili kehe.

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Luka 21:27

Ma ka kitea atu te Ataliki o te Tagata e haele mai i he ao o te lagi, ma te mana ma te mamalu hilihili kehe.

Ioane 19:34

Kae kua velo e tētahi o nā fitafita tana tao ki te itū o Iehu, ma ko te taimi lava tēnā na maligi mai ai ki fafo te toto ma te vai. (

Ioane 19:37

Ma e i ei foki tētahi tuhituhiga paia e lea mai, “Ka kikila ki lātou ki tē na ki lātou tuia i te tao.”

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 4:17

ma ko ki tātou la iē koi ola i te taimi tēnā, ka hikitia ake fakatahi ma ki lātou i loto o nā ao, ke feiloaki ma te Aliki i te vānimonimo. Oi ka fakatahi ai pea lava ki tātou ma te Aliki.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 22:20

Ko tē kua fai ma molimau ki nā mea uma iēnei e lea vē, “E moni lava! Ko au kua tāli fanatu!” Ke vēnā lava ona fai. Te Aliki ko Iehu, keina hau loa ko!

Fakaaliga 22:4

Ka kitea e ki lātou ona fōliga, ma ka tūhia tona igoa i o lātou muāulu.