Fakaaliga 1:5 - Tokelauan New Testament

⁵ ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 1:5 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Ioane 15:9

Ko au e alofa ki a te koutou e vē ona alofa mai te Tamana ki a te au; koutou la ke tūmau i toku alofa.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:32

E molimau ia kinā mea na kitea ma lagona e ia, kae e hēai he tino e ia talia tana takutinoga.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 26:23

ko te Mehia e tatau lava ke oti, ma ke kavea ia ko te tino muamua ia e toe tū mai te oti, ke fakailoa e ia te mālamalama o te fakaolataga ki tagata Iutaia ma tagata nukukehe.”

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Efeho 2:4

Kae ko te Atua e tumu i te alofa fakahao, ma ko te tūkehe o te lahi o tona alofa mo ki tātou,

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

1 Timoteo 6:15

Ko tona toe haele mai, ka fakatino lava i te taimi e tatau ai, e te Atua te Tupu e tokatahi e viviki ki ei ia tagata uma; ko ia ko te Tupu o tupu ma te Aliki o aliki.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Petelu 1:19

kae ko te toto tāua o Keliho, e vē ko te toto o he punuamāmoe e hēai lele hona māila pe he mea e fakahētonu ai.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 11:3

Ka uga atu e au aku molimau e toka lua e lākei i ni kofutaga, ma ka ki lā folafolagia te fekau a te Atua i nā aho iēnā e 1,260.”

Fakaaliga 17:14

Ka tau ki lātou ma te Punuamāmoe; kae ka fakatōkilalogia ki lātou e te Punuamāmoe, auā ko ia ko te Aliki o aliki uma ma te Tupu o tupu uma, ma ko nā tino e kau fakatahi ma ia, ni tino na kalagagia ma filifilia e Atua, ma e tūmau to lātou fakamāoni ki a te ia.”

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”

Fakaaliga 2:13

E iloa e au te mea e nonofo ai koutou i kinā i te mea e i ei ai te nofoāliki o Hātani. E tūmau pea lava te koutou fakamāoni ki a te au, ma e hēki uma te koutou fakatuatua mai ki a te au, ke pa lava ki te taimi na tāmate ai ia Anitipaha, tē nae molimau fakamāoni e uiga ki a te au, i kinā te mea e nofo ai ia Hātani.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.