Fakaaliga 1:2 - Tokelauan New Testament

² tē na fai ma molimau ki te kupu a te Atua ma ki te takutinoga a Iehu Keliho, e vē ona fakaalia uma ake ki a te ia.

Fakaaliga 1:2 ပူးပေါင်းရင်းမြစ်များ

Ioane 1:32

Oi fai ai te molimau a Ioane: “Na kō kitea te Agaga Paia e fanaifo mai te lagi e vē he lupe, ma nofo i ona luga.

Ioane 12:17

Ko te kaifenua nae i ei fakatahi ma Iehu i te kalagaga ki a Lahalo ke hau ki fafo o te tugamau, ma ia fakatūa ai mai te oti, na ki lātou fakailoa ki tagata te mea tēnei na tupu.

Ioane 19:35

Ko tē na kikila ki ei kua takutino e ia, kae ke talitonu ai foki koutou. Ko tana takutinoga e hako, ma e ia iloa ko ia e tautala i te meamoni.)

Ioane 21:24

Ko te hoko tēnei na molimau ki nā mea iēnei, ma ko ia te na ia tuhituhiagia ki lalo; ma e iloa e ki tātou ko tana takutinoga e hako.

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Gāluega 22:15

Auā ko koe ka fai ma ana molimau ke takutaku atua ki nā tino uma o te lalolagi, nā mea kua kikila ma fakalogo koe ki ei.

Gāluega 26:16

Kae tū loa ki luga. Kua fakakitea atu au ki a te koe ke tōfia ai koe ke kavea ma aku kaukauna. Ka fakailoa atu e koe ki iētahi tino nā mea kua kitea e koe i te aho nei, ma nā mea ka fakahino atu e au i te lumanaki.

Gāluega 4:20

Auā e hē kimā mafaia oi hē tautatala e uiga ki nā mea kua kikila ma fakalogo ki māua ki ei.”

1 Kolinito 1:6

Ko te fekau e uiga ki a Keliho kua mautū lelei ia te koutou,

1 Kolinito 2:1

Oku uho, i toku fanatuga ki a te koutou ke folafola atu te meamoni lilo a te Atua, e hēki kō fakaaogāgia ni kupu loloa pe he mālamalama lahi.

1 Ioane 1:1

Ko ki mātou e tuhi atu ki a te koutou e uiga ki te Kupu o te ola, tēia nae i ei mai lava i te kāmataga. Kua fakalogo ki mātou ki ei, ma kua kikila o mātou mata ki ei; io, kua kitea e ki mātou, ma kua paki ki ei o mātou lima.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

3 Ioane 1:12

E tutuha lelei lava nā molimau a nā tino ki te lelei o Temetilio; e molimau foki lava te meamoni ki a te ia. Ma e fakaopoopo foki ki ei ma ta mātou molimau, ma e iloa lelei e koe ko te mea e lea ai ki mātou e hako.

Fakaaliga 1:11

E lea vē mai, “Tuhi ki lalo nā mea e kitea e koe ki he tuhi, ma kave ai te tuhi ki nā Ekalehia i nā kakai iēnei e fitu: ko Efeho, ko Himuna, ko Pekamoni, ko Tuateilo, ko Hateihi, ko Filatelefeia, ma Laotikeia.”

Fakaaliga 1:19

Tuhi la ki lalo nā mea e kitea e koe, nā mea e tutupu i te taimi nei ma nā mea ka tutupu mulimuli.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.

Fakaaliga 22:21

Ke ia te ki tātou uma te alofa tūnoa o te Aliki ko Iehu. Amene.

Fakaaliga 6:9

Oi tatala ai e te Punuamāmoe te fakamaufakailoga tona lima. Na kitea atu e au i lalo o te fata faitāulaga nā agaga o nā tino na tāmate ona na ki lātou tālakia te kupu a te Atua, ma na kavea ma molimau fakamāoni.