Fakaaliga 1:18 - Tokelauan New Testament

¹⁸ Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 1:18 ပူးပေါင်းရင်းမြစ်များ

Loma 6:9

Auā kua ki tātou iloa ko Keliho kua toe tū mai i te oti, ma ka hē toe oti lele — ka hē toe i ei he pule a te oti ki a te ia.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Mataio 16:19

Ka kō tuku atua ki a te koe nā kī o te Mālō o te lagi; ko nā mea e fakahā e koe i te lalolagi ka fakahā foki i te lagi, ko nā mea e fakataga e koe i te lalolagi ka fakataga foki i te lagi.”

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Fakaaliga 4:9

Ko nā meaola e uhu a lātou pepe e viviki ma kavatu ai te fakaaloalo ma te fakafetai ki te tino e nofo i te nofoāliki, tē e ola pea lava ke pa ki te fakavavau. Ko taimi uma lava e ki lātou faia ai te mea tēnei,

Epelu 7:16

Na kavea ia ma ohitāulaga, e hē ona ni tonu fakatetagata e uiga kinā tofi tuku fakaholo, kae ona ko te mana o tona ola e hēai he gataaga.

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

Fakaaliga 9:1

Oi ili ai te pu a te agelu tona lima, ma na kō kitea atu ai he fetu kua pakū ifo ki lalo ki te lalolagi, ma kua fōki ki ei te kī ki te lua e hēai he gataga o tona loloto.

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Kolohe 3:3

Auā ko koutou kua oti, ma ko te ola fou o koutou ko hēki fakaaliagia e vē foki lava ko Keliho, i te hokotaga ma te Atua.

Fakaaliga 5:14

Na tali mai nā meaola e fa, “Amene!” Oi fakapakukū ai nā toeaina ki lalo ma ifo atu ki te Atua ma te Punuamāmoe.

Mataio 11:23

Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei.

Luka 24:5

Na mātataku lele nā fafine ma pūnonou ifo o lātou ulu ki te kelekele. Kua lea atu ki ei nā tamāloa, “He ā te hakili ai e koutou nā tino ola, i te mea e i ei nā tino oti?

Ioane 11:25

Kua vāgana atu ia Iehu, “Ko au ko te toetū ma te ola. Ko nā tino e talitonu mai ki a te au ka ola, e ui lava e oti;

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.

Fakaaliga 6:8

Kua kikila atu au, oi kō kitea ai he holofanua lanu meamata tai hegahega. Ko te tino e tiketike ai e fakaigoa ko te Oti, ma e mulimuli atu i ona tua ia Heoli Kua tuku atu ki a te ki lāua te pule ke tāmate ai te tahi vaefa o tagata o te lalolagi, e ala i nā taua, nā oge, nā fāmai, ma e nā manu fekakai i te lalolagi.

Fakaaliga 10:6

ma fai tana tautōga i te igoa o te Atua, tē e ola pea lava ke pa ki te hēgata, ma na ia gaohia te lagi, te lalolagi, ma te tai, ma nā mea uma lele i loto. Kua lea vē te agelu, “Ko te Atua ka hē toe fakatali lele!

Fakaaliga 15:7

Oi fōki ai e hētahi o nā meaola e fa ki nā agelu e fitu, ni tānoa aulo e fitu e tumu i te tōkahā o te Atua, tē e ola pea lava ke pa ki te fakavavau.

Fakaaliga 20:13

Oi tatala ai e te tai nā tino oti nae haihaitia i loto o ia. Kua tatala foki e te Oti ma Heoli nā tino oti nae ki lā haihaitiagia. Ma na fakamahino uma ki lātou e tuha ai ma nā mea a ki lātou nae fai.