Fakaaliga 1:16 - Tokelauan New Testament

¹⁶ E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Fakaaliga 1:16 ပူးပေါင်းရင်းမြစ်များ

Mataio 17:2

Oi hūia ai te tino o Iehu kae kikila atu ki lātou; ko ona fōliga kua pupula e vē ko te la, ma nā kofu kua paepae hihina.

Gāluega 26:13

Tau Afioga te Tupu, ko luga o te auala i te tūpou o te la, na kō kitea ai he mālamalama e hili atu tona pupula i lo te pupula o te lā, kua fanaifo mai te lagi ma huhulu fakatakamilo ia te au ma nā taulelea na malaga fakatahi ki mātou.

Efeho 6:17

Ma ke kavea te fakaolataga ke vē he pūloutau, ma te kupu a te Atua ke vē ko te pelu e tuku atu ki a te koutou e te Agaga.

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Fakaaliga 10:1

Oi kō kitea atu ai hētahi agelu mālohi e fanaifo ki lalo mai te lagi. E tāpulupulu i he ao ma he nuanua e fakatāmilo i tona ulu; ko ona fōliga e vē ko te la, ma ona vae e vē ni poutū e mumū i he afi.

Fakaaliga 12:1

Oi kitea atu ai he fakailoga uiga kehe i te lagi. Ko he fafine e kofu i te la ka ko te māhina e i lalo o ona vae, ma he palealiki e fai i ni fetu e hefululua e i tona ulu.

Fakaaliga 19:15

E hau i loto o tona gutu he pelu kakaha, ka fakatōkilalo ai e ia nā mālō. Ka pūlea e ia ki lātou ma te fakahāuā, ma ka holi e ia i ona vae nā fuāvine i loto o te tanoa tatau vine o te tōkahā o te Atua Hilihilikehe te Mālohi.

Fakaaliga 19:21

Ko nā vaegākau a ki lātou kua fakaumatia i te pelu e hau ki fafo o te gutu o te tino e tiketike i te holofanua; ma na kai e nā manulele uma o lātou kanofi.

Fakaaliga 2:1

“Tuhi vēnei ki te agelu o te Ekalehia i Efeho: “Ko tēnei te fekau mai tē e ia tāofia nā fetu e fitu i tona lima taumatau, ma e havali i te mea e i ei ai nā tugāmōlī aulo e fitu.

Fakaaliga 2:12

“Tuhi vēnei ki te agelu o te Ekalehia i Pekamoni: “Ko te fekau tēnei mai tē e ia te ia te pelu e taufai kaha uma nā itū.

Fakaaliga 2:16

Liliu kehe loa mai autou agahala i te taimi nei! Kāfai koutou e hē liliu kehe, ko au ka fanatu i he taimi lata mai oi tau ma nā tino iēnā, i te pelu e hau ki fafo mai toku gutu.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.