Epelu 9:9 - Tokelauan New Testament

⁹ Ko he fakahinoga tēnei e fakatatau mo te taimi nei. Ko tona uiga ko nā meaalofa ma nā tāulaga ki te Atua e fai i nā manu, e hē mafai ke lelei kātoatoa ai nā loto o tagata tāpuaki e vē ko te tūlaga e tatau ke i ei ai,

Epelu 9:9 ပူးပေါင်းရင်းမြစ်များ

Loma 5:14

Kae mai te vāitaimi o Atamu ke pa ki te vāitaimi o Mohe, ko te oti nae pule kātoa ki tagata uma, ke pa lava kinā tino e hēki agahala i te auala na agahala ai ia Atamu, ina kua hē uhitaki ki te fakatonuga a te Atua. I hētahi itū, ko Atamu e tāi vē oi tāi hē vē foki ko te tino na tuku e hau.

Kalatia 3:21

Ko tona uiga la ko te Tūlāfono e teteke ki te folafolaga a te Atua? Hēai, e he vēnā! Auā kana he mea na maua e tagata he tūlāfono e maua ai te ola, anei ake e mafai e ho he tino ke fakalelei tona va ma te Atua i te uhitaki ki te tūlāfono.

Epelu 10:11

Ko nā ohitāulaga Iutaia uma lele e fakatino a lātou gāluega i aho takitahi, ma ofo ake fakafia te tāulaga lava e fokotahi; kae e hē mafai e nā tāulaga iēnei ke kave kehea nā agahala.

Epelu 11:19

Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.

Epelu 5:1

Ko nā Ulu Ohitāulaga takitahi uma e filifili mai i tagata, ma tōfia ke fai ma o lātou hui ke tautua ki te Atua, ma ofo atua nā meaalofa ma nā tāulaga mo a lātou agahala.

Epelu 7:11

E ui lava la ko te Tūlāfono e lea mai ko nā ohitāulaga e tatau ke ōmamai mai te puikāiga o Levi, e hē mafai e nā ohitāulaga iēnā ke ki lātou fakalelei kātoatoagia he tino. Ma ko te mea ia e tatau ai ke i ei he ohitāulaga e vē ko Melekiheteka, i lo he tino mai te kāiga ohitāulaga o Alona.

Epelu 8:4

Anei ake nae i kinei ia i te lalolagi, e hēki mafai ke kavea ia ma ohitāulaga, auā e i ei lava nā ohitāulaga e ki lātou ofo atua nā meaalofa e vē ona fakatonugia e te Tūlāfono a Iutaia.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,