Epelu 9:28 - Tokelauan New Testament

²⁸ E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

Epelu 9:28 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Ioane 14:3

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Loma 5:15

Kae ko te meaalofa fōki fua e hē vē ko te agahala a Atamu. E hako e tokalahi na feoti ona ko te agahala a he tino e fokotahi. Kae ko te alofa tūnoa o te Atua e hili lele atu te lahi, ma vēnā tana meaalofa fōki fua mo te tokalahi o tagata e ala i te alofa tūnoa o he tino e fokotahi, ko Iehu Keliho.

Loma 6:10

Ko te mea ia, ona ko tona oti, kua hē toe i ei ai he pule a te oti ki a te ia; kae kua ola i te māfutaga ma te Atua.

Loma 8:23

Kae e hē nā ko nā mea na gaohia e te Atua te ōi; ko ki tātou kua ola i te Agaga, te uluaki meaalofa a te Atua, e ōi foki i loto o ki tātou lava, ka koi fakatalitali ki te Atua ke kavea ki tātou ma ana fānau ma fakahaoloto ai o tātou tagata kātoa.

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

1 Kolinito 15:54

Kāfai la te mea tēnei e tupu, ma kua hūia te mea e fano e pala ki te mea e hē mafai ke pala, oi ka taunuku ai te kupu a te tuhituhiga paia e lea mai: “Ko te oti kua fakatōkilalo; ko te manumālō kua kātoatoa!”

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

2 Tehalonia 2:1

E vē la ki te haele mai o to tātou Aliki ko Iehu Keliho ma te fakamāopoopoga o ki tātou ke fakatahi ma ia: ko au e fakatagi atu ki a te koutou te kau uho,

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Epelu 7:27

Ko Iehu e hē vē ko iētahi ulu ohitāulaga; e hē tau ofo akea e ia ni tāulaga i aho uma, muamua, mo ana lava agahala, ma vēnā mo nā agahala a tagata. E fokotahi oioti lava te tāulaga na ia ofoa, ma e fakafokotahi oioti lava, ko te ofo atuga o ia e ia lava.

Epelu 9:25

Ko te Ulu Ohitāulaga Iutaia e fano ki loto o te Nofoaga e Hili te Paia i tauhaga uma ma te toto o nā manu. Kae ko Keliho e hēki fano ki loto ke ofo atu ia ma tāulaga i ni taimi e lahi,

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

2 Petelu 3:12

ka koi fakatalitali koutou ki te Aho o te Atua, ma ke fai e koutou nā mea ke vave ai oi pa mai te Aho — te Aho e mu ma fakaumatia ai te lagi, ma ka liu ai ia mea uma i te lagi i te vevela.

1 Ioane 3:2

Te kau uho pele, ko ki tātou ni fānau e a te Atua i te taimi nei, kae ko hēki manino pe vēhea te tūlaga ka pa ki tātou ki ei. Kae e ki tātou iloa, kāfai ia Keliho e haele mai, ko ki tātou ka vē lava ko ia; auā ka ki tātou kiteagia ia i te tūlaga tonu lava e i ei ai ia.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

Iuta 1:21

ke tūmau koutou i loto o te alofa o te Atua, ka koi fakatalitali koutou ki te ola fakavavau e fōki atu e to tātou Aliki ko Iehu Keliho, e ala i tona alofa fakahao.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.