Epelu 9:26 - Tokelauan New Testament

²⁶ auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

Epelu 9:26 ပူးပေါင်းရင်းမြစ်များ

Mataio 13:39

ko te fili na ia totōa nā vao kino, ko te Tiāpolo tēnā. Ko te helehelega ko te ikuga tēnā o te ōlaga nei, ka ko ki lātou e helehelea, ko te kau agelu.

Mataio 13:40

E vēia ona fakaputu nā vao kino ma huhunu i te afi, e vēnā foki te mea ka pa ki ei kāfai e uma te ōlaga nei:

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

Kalatia 4:1

Ko te uiga o te mea e lea atu ai au — ko te tamaiti e tuku e ia mauagia nā meatōtino a tona tamana, e hē kehe lele ia ma he pologa ka koi tamaiti ai, e ui lava ko nā mea uma lele e a ia.

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 10:12

Kae e fokotahi lava te tāulaga na ofo ake e Keliho mo nā agahala, he tāulaga e aogā pea lava ke pa ki te fakavavau, ma na nofo ai loa i te itū taumatau o te Atua.

Epelu 10:26

Auā kāfai e fai pea lava e ki tātou te agahala ma te mautinoa ka kua uma ai te fakailoa mai o te meamoni ki a te ki tātou, kua hē toe i ei la hētahi tāulaga ke kave kehea ai nā agahala.

Epelu 10:4

Auā ko te toto o nā povi ma nā oti, e hē mafai ke kave keheagia nā agahala.

Epelu 4:3

Ko ki tātou la nā tino kua talitonu, ka maua e ki tātou te malōlōga kua folafola e te Atua. E vē lava oi vāgana ai ia: “Ko au na ita ma fai ai taku tautōga e vēnei: ‘Ka hē pa lele ki lātou ki te nuku na mea e tuku atu ai e au ki a te ki lātou, he malōlōga.’ ” Na lea vēnei e ui lava ko tana gāluega na uma lava i te taimi na ia gaohia ai te lalolagi.

Epelu 7:27

Ko Iehu e hē vē ko iētahi ulu ohitāulaga; e hē tau ofo akea e ia ni tāulaga i aho uma, muamua, mo ana lava agahala, ma vēnā mo nā agahala a tagata. E fokotahi oioti lava te tāulaga na ia ofoa, ma e fakafokotahi oioti lava, ko te ofo atuga o ia e ia lava.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.