Epelu 9:23 - Tokelauan New Testament

²³ Ko nā mea iēnā, nā ata fakatuha o nā mea i te lagi na gaohia muamua, e tatau ke fakamamā i te faiga tēnei. Kae ko nā mea lava ia o te lagi, e manakomia ni tāulaga e hili atu te lelei.

Epelu 9:23 ပူးပေါင်းရင်းမြစ်များ

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Ioane 14:3

Ma kāfai au e fano oi hāuni he mea ke nonofo ai koutou, ko au e toe hau oi kavatu koutou, kae ke i ei ai koutou fakatahi ma au, i te mea e i ei ai au.

Gāluega 23:15

E vēnei la, kave he fekau mā koutou ma te Taupulega ki te takitakikau Loma, ke kavaifo ia Paulo ki a te koutou ma fakatagāfai ki ei ko koutou e fofou ki ei ona e fia koutou mauagia ni iētahi fakamatalaga hako e uiga ki ei. Kae ka hāuni ki mātou ke tāmate ka ko hēki pa mai ki kinei.”

Kolohe 2:17

Ko nā mea uma vēnā, kua nā ko he ataata o nā mea ko i mua; kae ko te mea kua mautinoa, ko Keliho.

Epelu 10:1

Ko nā Tūlāfono Iutaia, e hē he ata fakatuha moni tēnā o te tūlaga hako e i ei nā mea iēnei, kae kua nā he ataata o nā mea lelei e tuku e pa mai. Ko nā tāulaga lava iēnā e ofo pea lava i tēia tauhaga ma tēia tauhaga. E mafai vēhea la e te Tūlāfono, e ala i nā tāulaga iēnā, ke ia fakakātoatoagia te lelei o nā tino e ōmamai ki te Atua?

Epelu 10:4

Auā ko te toto o nā povi ma nā oti, e hē mafai ke kave keheagia nā agahala.

Epelu 8:5

Ko te gāluega ohitāulaga a lātou e fai, kua nā ko he ata fakatuha ma ko he ataata o nā mea i te lagi. Nae vēnā foki lava te tūlaga nae i ei i te taimi o Mohe. I te kua hāuni o Mohe ke fakatū te Falekie Paia, na lea vē atu te Atua ki ei, “Ke mautinoa e koe ko nā mea uma lele e fua ki te ata na fakahino atu e au ki a te koe i luga o te mauga.”

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.