Epelu 9:16 - Tokelauan New Testament

¹⁶ I te tūlaga tau ki he māvaega, e tatau ke i ei he fakamāoniga ko te tino na faia te māvaega kua oti,

Epelu 9:16 ပူးပေါင်းရင်းမြစ်များ

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 15:22

Auā e vē ona pa ia tagata uma ki te oti ona ko to lātou hokotaga ma Atamu, ka vēnā foki lava ona toe fakatutū ia tagata uma ki te ola ona ko te lātou māfutaga ma Keliho.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

Epelu 9:17

auā ko te māvaega e hēai hona uiga pe kāfai ko te tino na ia faia koi ola lava; e fātoā aogā lava kāfai te tino tēnā kua oti.

Iakopo 2:10

Auā ko ai lava e tauhi ki nā tūlāfono uma, kae ia holia he tūlāfono e fokotahi, kua hala ia i te holi o nā tūlāfono uma.