Epelu 9:10 - Tokelauan New Testament

¹⁰ ona ko nā mea iēnei ni mea tau meakai, meainu, ma nā faiga kehekehe e mafai ai ia tagata ke fakamamāgia. Ko nā mea uma iēnei ni tūlāfono mo te kikila atu i fafo, e fakaaogā oioti ke pa ki te taimi e hui ai e te Atua i ni mea fou e hili atu te lelei.

Epelu 9:10 ပူးပေါင်းရင်းမြစ်များ

Maleko 7:4

E hē mafai foki ke kakai ki ho he mea e kaumai i te māketi heiloga ke fufulu muamua. E mulimuli foki ki te lahi o iētahi tūlāfono, e vē ko te faiga tonu e fufulu ai nā ipuinu, nā ulo, nā ipu apamemea ma nā moega.)

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Efeho 2:15

Na fakahēai e ia te Tūlāfono Iutaia vēnā ma ona fakatonuga ma poloakiga, kae ke mafai ai ke tuku fakatahi ia tagata Iutaia ma tagata nukukehe ke vē he tino e tahi i te māfutaga ma ia, ma maua ai te fīlēmū.

Kolohe 2:16

Nahe fakataga la e koutou he tino ke ia faia te tonu e uiga ki nā mea e tatau ke kakai ma inu koutou ki ei, pe e uiga ki nā aho paia, pe ki te fakamanatuga o te Māhina Tū Mai, pe ki te Hāpati.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

Epelu 2:5

E hēki fakatonua e te Atua nā agelu ke ki lātou pūlea te lalolagi fou ko hēki pa ki ei — te lalolagi tēia e talanoa atu ai ki mātou.

Epelu 6:2

Ma e hē tatau ke haga akoako pea e ki tātou e uiga ki nā papatihoga, te tuku o nā lima ki luga o he tino ke fakamanuia; te toe fakatutū o tagata mai te oti ma te fakamahinoga a te Atua e hēai he gataaga.

Epelu 6:5

na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

Epelu 7:12

Auā kāfai kua i ei he hūiga ki nā ohitāulaga, kua tatau foki ke i ei he hūiga ki te tūlāfono.

Epelu 7:16

Na kavea ia ma ohitāulaga, e hē ona ni tonu fakatetagata e uiga kinā tofi tuku fakaholo, kae ona ko te mana o tona ola e hēai he gataaga.

Epelu 9:1

Ko te feagaiga muamua e i loto ai nā tūlāfono mo te faiga o nā tāpuakiga, vēnā ma te faiga o he mea ke fai ai nā tāpuakiga i te lalolagi.