Epelu 8:8 - Tokelauan New Testament

⁸ Kae kua kitea e te Atua nā mea hehē a ona tagata i te leaga vē, “E hau nā aho, kua vāgana ai te Aliki, e fai ai e au he feagaiga fou ma tagata o Ihalaelu vēnā ma tagata o Iuta.

Epelu 8:8 ပူးပေါင်းရင်းမြစ်များ

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Maleko 14:24

Kua vāgana atu ia Iehu, “Ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi.

Luka 17:22

Oi vāgana atu ai ki te kau hoko, “E hau te taimi ka lagona ai e koutou te fia kikila ki he aho e fokotahi o nā aho o te Ataliki o te Tagata, kae ka hē koutou kitea.

Luka 22:20

Na vēnā foki oi tuku atu e ia te ipu i te umaga o te kakai, ma vāgana vē atu, “Ko te ipu tēnei o te feagaiga fou a te Atua, kua fakamau fakailoga i toku toto kua fakamaligi mo koutou.

Luka 5:38

Kae ko te uaina fou e tatau ke utu ki loto o ni fagu pakumanu uaina fou.

1 Kolinito 11:25

Na vēnā foki i te kua uma o te kakai, kua tago ki te ipu ma vē atu tana kupu, “Ko te ipu tēnei o te feagaiga fou a te Atua, kua fakamau fakailoga i toku toto. Ho he taimi e inu ai koutou ki ei, ke fai tēnā ma fakamanatuga ki a te au.”

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 7:22

Ko te kehekehega la tēnei, kua kavea ai foki ia Iehu ma fakamāoniga o te hili atu o te lelei o te feagaiga fou.

Epelu 8:13

I te tautalaga o te Atua e uiga ki he feagaiga fou, na kavea ai loa te feagaiga muamua ma feagaiga tuai; ma ko ho he mea kua leva ma tuai, e hē mataloa kae mou kehe atu.

Epelu 8:6

Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.