Epelu 8:6 - Tokelauan New Testament

⁶ Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 8:6 ပူးပေါင်းရင်းမြစ်များ

Luka 22:20

Na vēnā foki oi tuku atu e ia te ipu i te umaga o te kakai, ma vāgana vē atu, “Ko te ipu tēnei o te feagaiga fou a te Atua, kua fakamau fakailoga i toku toto kua fakamaligi mo koutou.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.

1 Timoteo 2:5

Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

Tito 1:2

iē e fakavae i luga o te fakamoemoe mo te ola fakavavau. Ko te Atua e hē pepelo, ma na ia folafola maia te ola fakavavau tēnei ka ko hēki faia te lalolagi,

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 7:22

Ko te kehekehega la tēnei, kua kavea ai foki ia Iehu ma fakamāoniga o te hili atu o te lelei o te feagaiga fou.

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.