Epelu 8:4 - Tokelauan New Testament

⁴ Anei ake nae i kinei ia i te lalolagi, e hēki mafai ke kavea ia ma ohitāulaga, auā e i ei lava nā ohitāulaga e ki lātou ofo atua nā meaalofa e vē ona fakatonugia e te Tūlāfono a Iutaia.

Epelu 8:4 ပူးပေါင်းရင်းမြစ်များ

Epelu 10:11

Ko nā ohitāulaga Iutaia uma lele e fakatino a lātou gāluega i aho takitahi, ma ofo ake fakafia te tāulaga lava e fokotahi; kae e hē mafai e nā tāulaga iēnei ke kave kehea nā agahala.

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.

Epelu 5:1

Ko nā Ulu Ohitāulaga takitahi uma e filifili mai i tagata, ma tōfia ke fai ma o lātou hui ke tautua ki te Atua, ma ofo atua nā meaalofa ma nā tāulaga mo a lātou agahala.

Epelu 7:27

Ko Iehu e hē vē ko iētahi ulu ohitāulaga; e hē tau ofo akea e ia ni tāulaga i aho uma, muamua, mo ana lava agahala, ma vēnā mo nā agahala a tagata. E fokotahi oioti lava te tāulaga na ia ofoa, ma e fakafokotahi oioti lava, ko te ofo atuga o ia e ia lava.

Epelu 8:3

Ko nā Ulu Ohitāulaga uma e tōfia ke ki lātou ofo atua ki te Atua nā meaalofa ma nā tāulaga e fai i nā manu. Ko to tātou Ulu Ohitāulaga foki la, e tatau ke i ei hana tāulaga ke ofo atu.

Epelu 9:9

Ko he fakahinoga tēnei e fakatatau mo te taimi nei. Ko tona uiga ko nā meaalofa ma nā tāulaga ki te Atua e fai i nā manu, e hē mafai ke lelei kātoatoa ai nā loto o tagata tāpuaki e vē ko te tūlaga e tatau ke i ei ai,