Epelu 8:2 - Tokelauan New Testament

² E tautua ki te Atua e ala i tona tofi Ulu Ohitāulaga, i loto o te Nofoaga e Hili te Paia, ko te falekie moni tēnā na fakatū e te Aliki, kae hē i ni lima o ni tino.

Epelu 8:2 ပူးပေါင်းရင်းမြစ်များ

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Loma 15:8

Auā e lea atu au ki a te koutou, ko te ōlaga tautua o Keliho nae mo tagata Iutaia, ke iloa ai ko te Atua e fakamāoni, ke fakataunuku ana folafolaga ki o lātou tupuna,

2 Kolinito 5:1

Auā e iloa e ki mātou kāfai te falekie tēnei e nonofo ai ki mātou — o mātou tino i te lalolagi nei — e fakakino, ka i ei he fale e hāunia e te Atua i te lagi mo ki mātou, he fale e ia faua lava ma e tūmau ke pa ki te fakavavau.

Kolohe 2:11

I te māfutaga fakatahi a koutou ma Keliho, ko koutou na pelitome, e hē i te pelitome fakatetagata, kae i te pelitome na fai e Keliho, tēia e aofia ai te fakahaolotoga o ki tātou mai te pule a o tātou lava tino agahala.

Epelu 10:11

Ko nā ohitāulaga Iutaia uma lele e fakatino a lātou gāluega i aho takitahi, ma ofo ake fakafia te tāulaga lava e fokotahi; kae e hē mafai e nā tāulaga iēnei ke kave kehea nā agahala.

Epelu 10:21

Kua i ei to tātou ohitāulaga tāua e pule i te fale o te Atua i te lagi.

Epelu 11:10

Auā ko Apelaamo nae fakatalitali mo te kakai na fuafua ma fau e te Atua, te kakai e tūmau pea lava ona fakavae.

Epelu 9:1

Ko te feagaiga muamua e i loto ai nā tūlāfono mo te faiga o nā tāpuakiga, vēnā ma te faiga o he mea ke fai ai nā tāpuakiga i te lalolagi.

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.